BMG Gaitidäki ýertitremede zyýan çekenler üçin 8 mln dollar bölüp berer

  • 17.08.2021 12:23
  • 12k+

Birleşen Milletler Guramasy Gaitide bolan ýertitremäniň netijesinde zyýan çekenlere kömek hökmünde azyndan 8 mln dollar iberer diýip, Baş sekretaryň ynsanperwer meseleler boýunça orunbasary Martin Griffits habar berdi. Bu barada TASS belleýär.

“Men Gaitide bolup geçen ýertitremesine ynsanperwer seslenmäni goldamak üçin Adatdan daşary ýagdaýlara jogap beriş merkezi gaznasyndan 8 mln dollar bölüp berýärin. Bu pul tebigy betbagtçylykdan zyýan çeken adamlara lukmançylyk kömegi, arassa suw, wagtlaýyn gaçybatalga we sanitar-öňüni alyş çäreleri üçin iberilýär” – diýip, ol Twitterde ýazdy.

Şenbe güni irden Gaiti sebitinde 7,2 bal ululykda ýertitreme bolup geçdi. Onuň merkezi, takmynan, 125 müň ilaty bolan Le-Ke kommunasyndan 40 kilometr uzaklykda we 10 km çuňlukda ýerleşipdir. Resmi maglumatlara görä, 1 297 adam ýogaldy, 5,3 müňden gowrak adam ýaralandy. Ýug, Grand-Ans we Nipp departamentlerinde 13 müň töweregi bina, hususan-da lukmançylyk we dini edaralar ýumruldy. Hökümet bir aý adatdan daşary ýagdaý režimini girizdi.


15.12.2024 16:42
2.2k+

Soňky 30 ýylda gury ýeriň tas 78%-i yzgaryny ýitirdi: BMG-niň bilermenleriniň netijeleri

Soňky üç onýyllygyň dowamynda gury ýeriň 77,6%-inde yzgaryň derejesi ep-esli azaldy, çöl ýerleriň meýdany bolsa 7,6% ulaldy. Bu barada BMG-niň Çölleşmä garşy göreş konwensiýasynyň (UNCCD) täze hasabatynda aýdylýar...

18.05.2023 12:23
16k+

Her ýyl dünýäde ýol-ulag heläkçiligi sebäpli 1,3 mln adam aradan çykýar

Her ýyl ýollarda 1,3 mln töweregi adam aradan çykýar we 50 milliona golaý adam şikes alýar. 5-29 ýaş aralygyndaky adamlar üçin ýol-ulag heläkçiligi (ÝUH) ýaşaýyş üçin esasy howp bolup durýar. Dünýädäki her dördünji...

16.02.2022 15:17
10k+

BMG häzirki maýlamany soňky 200 müň ýylda iň güýçlüsi hasaplaýar

Häzirki günde syn edilýän global ýylama soňky 200 müň ýylda iň güýçlüsi hasaplanýar. Bu barada Bütindünýä Meteorologiýa Guramasynyň (BMG) Baş sekretary Petteri Taalas TASS-yň baş direktorynyň birinji orunbasary...

21.10.2021 18:10
7k+

BMG: 2040-njy ýyllara çenli Afrika iň soňky buzluklaryny ýitirip biler

Afrikada maýlama Ýerdäki ortaça depgine garanyňda, has çalt bolup geçýär we şol sebäpli 2040-njy ýyllara çenli bu yklym Kilimanjaro, Keniýa we Ruwenzori dag massiwlerindäki buzluklary ýitirip biler. Şeýle çaklama...