Tokiodaky Olimpiadanyň altyn medalçylary Hytaýda Hongqi H9 limuzinleri bilen sylaglanar

  • 12.08.2021 23:10
  • 25k+

Hytaýyň FAW awtomobil konserni Tokiodaky Olimpiýa oýunlarynyň altyn medalyny gazanan hytaýly türgenleriň ählisini Hongqi H9 limuzinleri bilen sylaglamak kararyna geldi. Bu barada awtoöndürijiniň Sina Weibo mikroblogundaky habaryna salgylanyp, ýerli metbugat habar berýär diýip, autonews.ru belleýär.

Hytaý Olimpiadada jemi 38 altyn medal gazandy, bu medallar hem ýekeleýin, hem toparlaýyn ýaryşlarda çykyş edýän 52 türgeniň arasynda paýlandy. FAW baýrak hökmünde Hytaýda bahasy 369,8 müň ýuana çenli bolan 2,0 litrlik turbomotorly 50-den gowrak täze lýuks awtomobili berer. Şeýlelik bilen, awtokonsern türgenler üçin baýraklara tas 20 mln ýuan sarp eder.

Hongqi markasynyň ady “Gyzyl baýdak” diýmegi aňladýar. FAW konserniniň düzümine girýän brend öň diňe HHR-iň syýasy elitasy üçin awtomobil çykarýardy, ýöne ýakynda erkin satuw üçin “raýat” ulaglaryny hem öndürip başlady. Şeýle-de, Hongqi dünýä bazaryna çykmagy meýilleşdirýär.

Belläp geçsek, kümüş we bürünç baýrakçylar hem sowgatsyz galmaz. Olar hem şeýle modelleri sowgat hökmünde däl-de, “wagtlaýyn ulanmaga” alarlar. 

Hongqi H9 bortdaky 48 woltlyk elektrik ulgamy bilen bilelikde işleýän kuwwaty 252 at güýji bolan 2,0 litrlik dört silindrli benzin hereketlendirijisi bilen elýeterlidir. Mundan başga-da, uly sedanyň 283 at güýjüni berýän 3,0 litrlik V6 kompressor hereketlendirijili modifikasiýasy bar. 


16.04.2025 18:30
2.3k+

Hytaýly Szýuý Wenszýun küşt boýunça dünýä çempiony titulyny gorady

Küşt boýunça häzirki dünýä çempiony, hytaýly Szýuý Wenszýun watandaşy Tan Çžunine garşy oýunda öz titulyny üstünlikli gorady. Ýaryş Şanhaýda we Çunsinde geçirildi. Dokuzynjy döwde ak mallar bilen oýnan Szýuý Wenszýun 6,5 utuk toplap, ýeňiş gazandy, bu hem oňa çempion titulyny üpjün etdi...

23.03.2025 17:36
2.1k+

Oskar Piastri Hytaýyň Gran-prisinde ýeňiji boldy: bu McLaren üçin yzygider ikinji ýeňiş

23-nji martda Şanhaýyň ýaryş ýolunda 2025-nji ýylyň “Formula-1” dünýä çempionatynyň ikinji tapgyry tamamlandy. Ýaryşyň ýeňijisi “Maklaren” toparynyň sürüjisi awstraliýaly Oskar Piastri (56 aýlaw) boldy. Pellehana...

21.03.2025 18:47
3k+

Hemilton Hytaý Gran-prisiniň ýaryş ýolunda iň tiz aýlaw rekordyny täzeledi

Ýedi gezek dünýä çempiony, «Ferrari» toparynyň sürüjisi Lýuis Hemilton Şanhaýdaky (Hytaý) ýaryş ýolunda täze rekord goýdy. Ol dört gezek dünýä çempiony Sebastýan Fetteliň 2018-nji ýylda Hytaý Gran-prisiniň saýlama...

03.02.2025 18:10
6.8k+

Türkmen türgenleri Gyşky Aziýa oýunlaryna gatnaşmak üçin Harbine geldiler

Türkmenistanly türgenler Hytaýda geçiriljek IX gyşky Aziýa oýunlaryna gatnaşmak üçin, Pekiniň üsti bilen Aşgabatdan Harbine bardylar. Ýaryşlar 7-14-nji fewral aralygynda geçiriler diýip, "Türkmenistan: Altyn asyr"...