Amerikaly Maklaflin 400 m aralyga päsgelçilikli ylgamakda dünýä rekordy bilen ýeňiş gazandy

  • 05.08.2021 07:47
  • 3.9k+

ABŞ-nyň wekili Sidni Maklaflin 400 metr aralyga päsgelçilikli ylgamakda täze dünýä rekordyny goýup, Olimpiýa oýunlarynyň altyn medalyny gazandy. Ýeňiji bu aralygy 51,46 sekuntda geçmek bilen 2021-nji ýylyň 26-njy iýunynda ABŞ-da goýlan özüniň öňki rekordyny (51,90) täzeledi. Ikinji orny onuň watandaşy Dalaýla Muhammad (+0,12) eýeledi. Üçünji orna Niderlandlaryň wekili Femke Bol (+0,57) mynasyp boldy.

Maklaflin 21 ýaşynda. Ol 4x400 metr estafetada 2019-njy ýylyň dünýä çempiony we 400 metr aralyga päsgelçilikli ylgamakda şol ýaryşyň kümüş baýrakçysydyr.
31 ýaşly Muhammad 400 metr aralyga päsgelçilikli ylgamakda 2016-njy ýylyň Olimpiýa çempiony we 2019-njy ýylyň dünýä çempiony. Şeýle-de, onuň hasabynda 4x400 metr estafetada 2019-njy ýylyň dünýä çempionatynyň altyn medaly bar. 21 ýaşly Bol ýapyk binalarda iki gezek Ýewropa çempionydyr.


24.10.2025 10:48
8.7k+

Türkmenistanda iň çalt gol hasaba alyndy. Ol 4-nji sekuntda geçirildi

Ýaşlar düzümleriniň gatnaşmagyndaky futbol boýunça Türkmenistanyň birinjiliginiň 22-nji tapgyrynyň wagty süýşürilen duşuşygynda Türkmenistanda iň çalt gol hasaba alyndy. «Şagadamyň» ýaşlar düzümi bilen geçirilen duşuşykda «Merw II» toparyndan Muhammet Allaberdiýew duşuşygyň 1-nji minutynda topy meýdanyň orta gürpünden derwezä depip, toparyny öňe saýlady...

20.10.2025 14:04
1.4k+

Werstappen ABŞ-nyň Gran-prisini utup, çempionatda Piastriden aratapawudyny azaltdy

19-njy oktýabrda, ýekşenbe güni Ostindäki Circuit of the Americas ýaryş ýolunda Formula-1 çempionatynyň 19-njy tapgyry – ABŞ-nyň Gran-prisi geçdi. Onda “Red Bulluň” niderlandly sürüjisi Maks Werstappen ýeňiş gazandy...

19.10.2025 17:38
7.7k+

Ronaldu klublaýyn derejede 800 gol geçiren ilkinji futbolçy boldy

Saud Arabystanynyň «Al-Nasr» toparynyň hüjümçisi Kriştianu Ronaldu futbol taryhynda klublaýyn derejede 800 gol geçiren ilkinji futbolçy boldy. 40 ýaşly portugaliýaly oýunçy bu ýubileý goluny Saud Arabystanynyň çempionatynyň 5-nji tapgyrynda «Al-Fateh» toparyna garşy oýunda geçirdi...

19.10.2025 16:46
1.4k+

Apple ABŞ-da “Formula-1-i” ýaýlyma bermek üçin 750 mln dollara hukuk satyn aldy

Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy. Variety neşiriniň maglumatlaryna görä, şertnamanyň bahasy, takmynan, 750 mln dollar boldy...