Ýaponiýaly Tidzuru Arai (70 kg çenli) we gruziýaly Laşa Bekauri (90 kg çenli) öz agram kategoriýalarynda dzýudo boýunça Olimpiýa ýaryşynyň altyn medalyny gazandylar.
Altyn medal üçin söweşde ýaponiýaly dzýudoçy awstriýaly Mihaela Polleresi ýeňdi. Bürünç medal üçin söweşde russiýaly Madina Taýmazowa Horwatiýanyň wekili Barbara Matiçi ýeňdi. Bu medal russiýaly dzýudoçylar üçin ilkinji boldy. Ikinji bürünç medaly Germaniýanyň wekili Jowanna Skokkimarrony ýeňen niderlandiýaly Sanne wan Deýk aldy.
Ýarym finalda Taýmazowa Araiden ýeňildi. Bu söweş Tokiodaky Olimpiadada iň dowamlysy – 16 minut 41 sekunt – boldy.
Erkekleriň söweşinde altyn medaly Gruziýanyň wekili Laşa Bekauri aldy. Ol finalda germaniýaly Eduard Trippelden üstün çykdy. Bürünç medala Wengriýanyň wekili Kristian Tot eýe boldy. Ol russiýaly Mihail Igolnikowy ýeňdi. Ýene bir bürünç medala söweşde türkiýeli Mihael Žganky ýeňen Özbegistanyň wekili Dawlat Bobonow mynasyp boldy.
