Türkmenistanyň Kiokuşinkaý karate boýunça milli ýygyndysynyň agzasy Meýlis Paşagulyýew "The World Weight Kyokushin Karate Tournament – Japan 2025" dünýä çempionatyna gatnaşmak üçin Ýaponiýanyň Maebasi şäherine ugrady. Ýaryşlar 26-njy noýabrdan 1-nji dekabra çenli dowam eder. Bu ýaryş dört ýylda bir gezek geçirilýär.
Çempionata dünýäniň dürli ýurtlaryndan iň güýçli karateçiler gatnaşýarlar. Türkmenistanly türgen 85 kilogramdan ýokary agram kategoriýasynda çykyş eder.
M.Paşagulyýew üç gezek Türkmenistanyň çempiony, iki gezek Ukrainanyň çempiony, Ukrainanyň Kubogynyň eýesi, halkara ýaryşlarynyň ýeňijisi, Merkezi Aziýanyň Kubogynyň eýesi we Ýewropa Kubogynyň baýrakly orunlarynyň eýesidir.
