Tokiodaky Milli stadionda Olimpiýa oýunlarynyň açylyş dabarasy başlandy.
Şowhunly dabara anna güni Oýunlaryň paýtagtynda geçirilýär. Koronawirus çäklendirmeleri sebäpli oňa diňe 950 resmi adam gatnaşýar.
Dabaranyň açylyş temasy “Öňe hereket” adyny aldy, ol Tokioda Oýunlaryň geçirilmeginiň bir ýyl yza süýşürilmegine sebäp bolan saglygy goraýyş pudagyndaky global çökgünlige, şeýle-de Ýaponiýanyň taryhyndaky iň bir weýran ediji bolan 2011-nji ýyldaky ýertitremesinden soň, dikeldilmegine bagyşlanýar.
Dabaranyň çäginde beýleki aktual temalara hem serediler, şeýle-de türgenleriň däp bolan ýörişi geçiriler.
Öň, TmCars.info-nyň habar berşi ýaly, XXXII tomusky Olimpiýa oýunlarynyň açylyş dabarasyna gatnaşmak üçin Ministrler Kabinetiniň Başlygynyň orunbasary S.Berdimuhamedowyň ýolbaşçylygyndaky Türkmenistanyň wekiliýeti Ýaponiýanyň paýtagty Tokio şäherinde gulluk iş saparynda bolýar.
Ozal hem habar berşimiz ýaly, nobatdaky Olimpiýa oýunlarynda türkmenistanly türgenleriň 9-sy ýurdumyzyň adyndan wekilçilik edýär.
Şeýle hem okap bilersiňiz:
