Apple iPhone 12 üçin MagSafe goşmaça simsiz batareýany tanyşdyrdy

  • 16.07.2021 17:01
  • 9.5k+

Amerikan korporasiýasy iPhone 12 smartfonlaryna zarýad bermek üçin niýetlenen "MagSafe Battery Pack" daşarky simsiz magnit batareýasyny çykardy. Öňünden sargyt etmek mümkinçiligi bolan bu önüm hakyndaky maglumatlar sişenbe güni kompaniýanyň ABŞ-daky onlaýn dükanynda peýda boldy.

Enjam smartfonyň arka tarapynda ornaşdyrylan magnitlere birikdirilýär. Kompaniýanyň web sahypasynda görkezilişi ýaly, ony aýyrmak juda aňsat. Häzirki wagtda enjamyň amerikan dükanyndaky bahasy - 99 dollar. CNBC kanalynyň görkezişi ýaly, enjam indiki hepde ýaýradylyp başlar.
Ýeri gelende bellesek, batareýanyň özüni telefona birikdirmek arkaly dolduryp bolýar. Şonda telefon hökman toga birikdirilen bolmaly. “Apple”-iň aýtmagyna görä, smartfonyň elektrik üpjünçiligine birikdirilen batareýadan zarýad almak mümkinçiligi-de bar.
Mundan daşary, kompaniýa gadjetiň diňe iOS 14.7 we ondan ýokary ulgamda işleýän enjamlar bilen gabat gelýändigini aýratyn nygtaýar.


31.05.2025 16:39
1.8k+

Alymlar derini, süňkleri we beýleki dokumalary 3D bio çap etmek üçin täze materiallary döretdiler

N.I.Lobaçewskiý adyndaky Milli barlag Nižegorod döwlet uniwersitetiniň himikleri (UNN) derini, süňkleri, gan damarlaryny we beýleki dokumalary 3D bio çap etmek üçin material döretdiler. Bu barada uniwersitetiň metbugat gullugy habar berdi...

12.05.2025 12:31
2.6k+

Alymlar 3D çap usulynda aortanyň ornuny tutýan bio dokumany çap etdiler

Ýel uniwersitetiniň (ABŞ) alymlary zeper ýeten bio dokumalary 3D çap usulynda döredilen bio dokuma bilen çalyşmagyň tehnologiýasyny işläp düzdüler. Synagda çap edilen aorta syçanlara üstünlikli imlpantasiýa edildi, bu bolsa adamlarda ýürek-damar kesellerini bejermekde täze mümkinçilikleri açýar...

09.05.2025 12:06
6.6k+

Inženerler 100 ýyllyk kepillik bilen titandan ruçka döretdiler

Titaner kompaniýasy 100 ýyl hyzmat etjek Dragon Pearl ruçkasyny döretdi. Ol tutuşlygyna diýen ýaly, hatda içki pužiny hem 5-nji derejeli titandan ýasalan. Inženerleriň hasaplamalaryna görä, mehanizm milliondan gowrak gezek basylmaga çydap biler...

20.04.2025 18:25
3.3k+

Singapurda ýagyş damjalaryndan elektrik energiýasyny öndürmegi başardylar

Singapurly alymlar ýagyş damjalaryndan elektrik energiýasyny öndürmegiň usulyny işläp düzdüler diýip, «Interested Engineering» habar berýär. Bu usul suwuklygyň birmeňzeş tizlikde we şol bir ugra tarap turba boýunça hereket edýän mahaly ýüze çykýan porşen akymy täsirinden peýdalanýar...