Microsoft korporasiýasy Windows operasion sistemasynyň bulut görnüşini hödürledi

  • 16.07.2021 15:40
  • 6.9k+

Microsoft amerikan korporasiýasy Windows 365 adyny alan operasion sistemasynyň bulut görnüşini hödürledi. Bu barada kompaniýanyň saýtynda habar berilýär diýip, TASS belleýär.

Beýannamada Windows 365-iň ulanyjylaryň öz programmalaryna we maglumatlaryna uzak aralykdan we islendik gurluşdan girip bilmegi üçin niýetlenýändigi bellenilýär. Aýratynam, bu işgärleri distansion režimde işleýän kompaniýalaryň bökdençsiz işini üpjün etmek üçin niýetlenendir. 

“Windows 365 bilen biz täze kategoriýany döredýäris: Cloud PC (bulut personal kompýuteri)” – diýlip, metbugat relizinde korporasiýanyň baş direktory Satýa Nadellanyň sözleri getirilýär. Onuň aýtmagyna görä, kompaniýa Windows 365-de ulanylan mehanizmiň “maglumaty gurluşda däl-de, bulutda saklaýandygynyň” hasabyna “guramalara has çeýeligi we işgärleriniň mümkinçiliklerini giňeltmegiň howpsuz usulyny” hödürlemegi maksat edinýär. 

Kärhanalar şu ýylyň 2-nji awgustyndan bulut operasion sistemasyna elýeterli bolarlar. Iýun aýynyň ahyrynda Microsoft Windows 11 adyny alan OS-yň täzelenen görnüşini hödürledi. Ol üsti ýetirilen dizaýna eýe boldy, iki monitoryň işini götermegiň kämilleşdirilen ulgamy, dürli hyzmatlara girmek üçin wijetler, şeýle-de birnäçe täzelikler bilen üpjün edildi. Kompaniýanyň wekiliniň aýtmagyna görä, OS-yň täzelenen görnüşi özünden öňküler bilen deňeşdirilende, has çalt we howpsuz bolar. Windows 11-iň şu ýylyň ahyrynda ulanyjylara elýeterli bolmagyna garaşylýar.

1975-nji ýylda telekeçiler Bill Geýts bilen Pol Allen tarapyndan esaslandyrylan Microsoft personal kompýuterlerden başlap, ykjam telefonlara çenli dürli gurluşlar üçin programma üpjünçiligini öndürýän iň uly korporasiýalaryň biridir. Onuň ştab-kwartirasy Waşingtonyň Redmond şäherinde ýerleşýär.


07.04.2025 18:18
5.8k+

ABŞ-da ganda eräp gidýän iň kiçi kardiostimulýator döredildi

Demirgazyk-Günbatar uniwersitetiniň (ABŞ) inženerleri hirurgiki usulda aýrylmagyny talap etmeýän kindiwanja kardiostimulýatory döretdiler. Ol bedende doly eräp gidýär. Enjamyň ölçegleri bary-ýogy ini 1,8mm, uzynlygy...

05.04.2025 13:04
3.2k+

ABŞ-da ysmaz adamlaryň pikirlerini häzirki wagtda okaýan neýrointerfeýs döredildi

Amerikan neýrofiziologlary doly ysmaz adamlaryň pikirlerini okaýan we derrew kompýuteriň ekranynda görkezýän ýa-da dinamikler arkaly ses berýän neýrointerfeýsi döretdiler. Ysmazlara daşarky dünýä bilen aragatnaşyk...

02.04.2025 16:04
3.3k+

ABŞ-da beýniň işini gowulandyrýan emeli aňly akylly sargy satylyp başlandy

ABŞ-da Muse S Athena atly akylly sargynyň satuwy başlandy. Bu enjam emeli aň arkaly ukyny, ünsi jemlemegi, aň-paýhas (kognitiw) başarnyklaryny we umumy saglygy gowulandyrmaga kömek edýär. Bu barada «Business Wire» habar...

23.03.2025 12:22
6.8k+

ABŞ-da tutuşlygyna robotlar tarapyndan dolandyrylýan dükan açyldy

ABŞ-nyň Kaliforniýa ştatynyň Demirgazyk Golliwud sebitinde ilkinji awtonom dükan bolan VenHub işe başlady. Bu ýerde müşderilere tutuşlygyna robotlar hyzmat edýär diýip, «TechEBlog» habar berýär. Dükanda, takmynan...