Opel täze nesil Astra heçbegini tanyşdyrdy

  • 15.07.2021 12:38
  • 19k+

Nemes awtoulag öndürijisi bolan “Opel” altynjy nesil “Astra” heçbegini köpçülige tanyşdyrdy. Bu barada kompaniýanyň metbugat gullugyna salgylanyp, vesti.ru habar berdi.

Täze nesil "Opel Astra" heçbegi EMP2 modul platformasynda döredildi. Bu modul platformasy Peugeot 3008, Peugeot 5008 we Citroen C5 Aircross ýaly modeller bilen öňden hem meşhurdyr.

“Opel”-iň täze modeli özüne mahsus bolan stilde “Visor” elementi bilen bezelipdir. “Astra”-nyň esasy görnüşinde “LED optika” oturdyldy. Saýlama modelde bolsa her farada 84 element bolan, jemi 168 LED elementli "Intelli-Lux" matrisasy ornaşdyrylypdyr.
Täze önümiň içki böleginde Nappa nagyşly täze oturgyçlar bar. Şeýle hem onda 10 dýuým duýgur ekranly bitewi Pure Paneli görmek bolýar. Ondaky displeýleriň biri dolandyryş paneli, ikinjisi bolsa multimediýa ulgamy üçin niýetlenendir. Olaryň aşagynda klimat-kontrol düwmeleri-de bar.
Şeýle hem altynjy nesil “Opel Astra” 110 we 130 at güýji bolan 1,2 litrlik benzin turbo hereketlendirijileri bilen ýöreýär diýip, çeşme belleýär.


23.06.2025 13:20
1.9k+

Stellantis tormoz bilen bagly mesele sebäpli Peugeot, Citroen, DS we Opel modellerini yzyna çagyrýar

Stellantis kompaniýalar topary tormoz ulgamyndaky näsazlyk sebäpli birnäçe Peugeot, Citroen, DS we Opel modelleriniň yzyna çagyrylandygyny habar berdi. Mesele elektron tormoz dolandyryşy (EBS) ulgamyndaky alýumin klapan blogy bilen baglanyşykly...

19.06.2025 10:29
4.2k+

MAN Mýunhende elektrik ýük ulaglarynyň köpçülikleýin önümçiligine başlady

MAN kompaniýasy Mýunhen şäherindäki (Germaniýa) zawodynda elektrik ýük ulaglarynyň köpçülikleýin önümçiligine girişdi. Indi elektrik we dizelli modeller bir hatarda ýygnalýar, bu bazardaky islege görä çeýeligi üpjün edýär...

20.05.2025 10:50
3.8k+

Swikkaudaky Volkswagen zawody millionynjy elektromobili çykardy

Germaniýanyň Swikkau şäherindäki zawod möhüm sepgide ýetdi - konweýerden millionynjy elektromobil çykdy. Ol Kings Red Metallic reňkine eýe bolan Volkswagen ID.3 GTX Performance boldy. Bäş ýarym ýylyň içinde zawod içinden ýandyrylýan hereketlendirijilerden doly ýüz öwrüp, elektromobil önümçiligine geçdi...

01.05.2025 13:01
2.9k+

Opel "Corsa" modeliniň millionynjy nusgasyny çykardy

Opel häzirki nesil «Corsa» modeliniň millionynjy nusgasynyň çykarylyşyny dabaraly ýagdaýda belledi. Metbugat beýannamasyna görä, dabaraly çäreler kompaniýanyň Rýusselshaým şäherindäki (Germaniýa) baş edarasynda we awtoulagyň ýygnalýan ýeri bolan Saragosa şäherindäki (Ispaniýa) zawodda geçirildi...