Gerbert Diss 2025-nji ýyla çenli Volkswagen-iň baş direktory wezipesinde galar

  • 12.07.2021 12:38
  • 3.8k+

Volkswagen kompaniýasynyň baş direktory Gerbert Diss 2025-nji ýylyň oktýabr aýyna çenli ýolbaşçy wezipesinde galar diýip, kompaniýa habar berdi. Muny 1prime.ru ýetirýär.

“Gerbert Diss 2025-nji ýylyň oktýabr aýyna çenli Volkswagen Group-yň ýolbaşçysy bolmagyny dowam etdirer. Anna güni kompaniýanyň Gözegçilik geňeşi degişli möhlet bilen täze şertnamany tassyklady. Bu Dissiň 67 ýaşyna çenli dolandyryjy geňeşiň başlygy boljakdygyny aňladýar” – diýlip, kompaniýanyň relizinde aýdylýar.

Volkswagen – Volkswagen, Audi, Skoda, Seat ýaly markalary birleşdirýän Ýewropanyň iň uly awtomobil öndürijisi. Korporasiýanyň “lýuks” klasyndaky awtomobilleri öndürmek boýunça bölümçesine meşhur Lamborghini, Bentley, Bugatti brendleri girýär. Kompaniýa Volkswagen Commercial Vehicles bölümi, şeýle-de Scania markasy arkaly ýük ulaglaryny çykarmak bilen hem meşgullanýar.
Awtokonserniň habar bermegine görä, anna güni Volkswagen-iň geljek ýyllar üçin ösüş strategiýasy hem hödürlendi. Hususan-da, onda elektron mobillige we programma üpjünçiligine daýanmak bilen awtomobil senagaty pudagynda kompaniýanyň dünýä lideri hökmünde ornuny berkitmäge üns berilýär. Munda awtonom dolandyryş esasy roly oýnar.
Mart aýynda Volkswagen 2030-njy ýyla çenli Ýewropada elektromobiller üçin batareýa öndüriji alty zawoddan ybarat ulgamy döretmekçidigini habar berdi. Kärhanalar ýylda umumy kuwwaty 240 GWt/sag bolan akkumulýatorlary öndürer diýlip meýilleşdirilýär.


18.10.2025 23:02
3.3k+

Volkswagen kompaniýasy Touareg krossoweriniň hoşlaşyk wersiýasyny çykarýar

Volkswagen kompaniýasy 2026-njy ýylda Touareg krossowerini çykarmagy bes edýändigini mälim etdi. Bu waka mynasybetli brend modeliň hoşlaşyk wersiýasyny – Final Edition-y hödürledi. Adaty wersiýalardan tapawutlylykda...

28.09.2025 23:46
4k+

Volkswagen Germaniýadaky zawodlarynda önümçiligi wagtlaýyn togtadýar

Ýewropanyň iň uly awtoöndürijileriniň biri bolan Volkswagen elektromobil önümçiliginiň möçberini azaldýar we Germaniýadaky iki zawodynyň işini wagtlaýyn togtadýar. Kompaniýanyň wekiliniň aýtmagyna görä, Swikkaudaky zawod 6-njy oktýabrdan başlap bir hepdelik awtomobil önümçiligini bes eder...

26.09.2025 20:26
5.6k+

Ýakynda önümçilikden aýryljak Volkswagen T-Roc Ýewropada iň köp satylan model boldy

2025-nji ýylyň awgust aýynyň jemlerine görä, Ýewropada iň köp satylan awtoulag Volkswagen T-Roc boldy. ÝB ýurtlarynda bu modeliň satuwy 14% ýokarlandy, munuň özi onuň bu ýyl ilkinji gezek satuw reýtinginde birinji orna çykmagyna mümkinçilik berdi...

24.09.2025 14:16
5.1k+

Volkswagen Porsche-niň elektromobiller bilen bagly meseleleri zerarly 6 milliard dollar ýitirer

Volkswagen Group özüniň golçur kärhanasy bolan Porsche-niň çykarýan elektrik ulaglary sebäpli 2025-nji ýylda ýitgileriniň 5,1 milliard ýewro (takmynan 6 milliard dollar) ýetip biljekdigini duýdurdy. 20-nji sentýabrda Porsche "bazar şertleri sebäpli" täze elektrik ulagynyň önümçiligini ýatyrjakdygyny mälim etdi...