Dünýädäki iň uly planetariý 18-nji iýulda Şanhaýda açylar

  • 08.07.2021 12:51
  • 7.6k+

Dünýäde iň ulusy hasaplanýan Şanhaýdaky planetariý resmi taýdan 18-nji iýulda açylar. Bu toplumyň gurluşygy 2016-njy ýylyň noýabr aýynda başlandy. Ol Pudun sebitinde ýerleşer. Esasy binanyň umumy meýdany 38 müň inedördül metre, tutuş toplumyň meýdany 58,6 müň inedördül metre barabar. 

Planetariý esasy we birnäçe goşmaça binalardan, şol sanda ýaşlar üçin gözleg merkezinden we iki jemgyýetçilik obserwatoriýasyndan ybarat. 
Sergi böleginde planetariýniň myhmanlary dürli planetalardan 70 töweregi dürli meteorit böleklerini görüp bilerler. Mundan başga-da, ýygynda Isaak Nýutonyň, Galileo Galileýiň, Nikolaý Kopernikiň we ş.m. original işleri giriziler. 
Planetariýde maglumatlary wizuallaşdyrmanyň, üsti ýetirilen reallygyň, biometriýanyň we emeli intellektiň giňden ulanylýandygy bellenilýär. Bu barada ýerli habar çeşmesi “Penpaý” habar berdi diýip, moika78.ru belleýär.
Daşky görnüşi boýunça planetariý fantastik filmlerdäki uly kosmos gämisine meňzeýär. Şeýle-de, baş binanyň töweregindäki ýanýodalar galaktiki spiral şekilinde geçirilen. Planetariýniň gurluşygynda ekologiýa taýdan arassa materiallar we toplumyň işini üpjün etmek üçin ýaşyl tehnologiýalaryň soňky gazananlary ulanyldy.


28.08.2025 15:51
4.4k+

Hytaý uçýan elektrik stansiýasyny - dirižablyň we ýel turbinasynyň gibridini synamaga taýynlanýar

Hytaýyň Beijing SAWES Energy Technology Company kompaniýasy asman ýel elektrik stansiýasyny - turbinaly dirižably synagdan geçirmäge taýýarlyk görýändigini yglan etdi. Geliý bilen doldurylan howa gämisi 1500 metr belentlige çykar, ol ýerde ýeliň tizligi Ýeriň ýüzündäkä garanyňda, takmynan, üç esse ýokarydyr diýip, South China Morning Post belleýär...

27.08.2025 15:44
4.4k+

Hytaý dünýäde ilkinji suwasty emeli aň maglumat merkezini gurýar

Hytaý emeli aň üçin dünýäde ilkinji suwasty maglumat merkezini gurýar. Bu desga Şanhaýyň kenaryndan 10 km uzaklykda ýerleşip, golaýdaky deňiz ýel elektrostansiýasyndan energiýa alar diýip, Live Science habar berýär...

21.08.2025 16:21
1.6k+

Kosmosdaky ilkinji EA kömekçisi: Hytaý orbita “Ukun” ulgamyny çykardy

“Týangun” stansiýasyndaky hytaý astronawtlary ilkinji emeli aň kömekçisini aldylar. Ýerli açyk modeliň esasynda döredilen “Ukun” atly ulgam täze skafandrlar, miweler we beýleki ätiýaçlyklar bilen “Týançžou-9” ýük gämisi arkaly stansiýa eltildi...

20.08.2025 14:19
11k+

Hytaýda robot balygyň kömegi bilen umman çuňluklary öwrenilip başlandy

Harbiniň inženerlik uniwersitetiniň (Hytaý) ylmy gözlegçileri ummanyň energiýasynyň hasabyna hereket edýän ýumşak robot balygy döretdi. Ol umman ýaşaýjylaryna zyýan ýetirmezden onuň çuňluklaryndaky ýaşaýşy öwrenmek üçin niýetlenýär...