Volkswagen german awtokonserni Ýewropada 2035-nji ýyla çenli içerki ýangyç hereketlendirijili awtoulaglaryň önümçiligini bes etmegi göz öňünde tutýar. Bu barada Volkswagen markasynyň dolandyryjy geňeşiniň agzasy, söwda boýunça jogapkär işgäri Klaus Selmer «Münchner Merkur» gazetinde çap edilen interwýusynda habar berdi. Ony trend.az paýlaşýar.
«Biz öz öňümizde örän anyk maksatlary goýduk. Biz 2033-2035-nji ýyllar aralygynda Ýewropada içerki ýangyç hereketlendirijili awtoulaglaryň önümçiliginden el çekeris, ABŞ-da we Hytaýda bolsa biraz soň» diýip, Selmer aýdýar. Syýasy we infrastruktura şertleriniň ýokdugy sebäpli, Bu ýagdaý Günorta Amerikada we Afrikada köpräk wagt alar. Şeýle hem Selmer 2050-nji ýyla çenli galman awtoulag öndüriji konserniň kömürturşy gazynyň zyňyndylarynyň nol derejesine ýetmegi göz öňünde tutýandygyny belledi.
Volkswagen-iň dolandyryjylar geňeşiniň agzasy şeýle-de 2030-njy ýyla çenli kompaniýanyň Ýewropada awtoulaglaryň paýyny umumy satuwda 70 göterime çenli artdyrmagy meýilleşdirýändigini aýtdy.
