Ispaniýaly tennisçi Rafael Nadal Londonda geçiriljek Wimbledon ýaryşyna we Tokioda geçiriljek Olimpiýa oýunlaryna gatnaşmaz. Dünýäniň üçünji raketkasy bu barada öz Instagramynda mälim etdi.
"Wimbledona gatnaşmazlyk kararyna gelendigimi habar bermek isleýärin. Şeýle hem Tokioda geçiriljek Olimpiýa oýunlaryna gatnaşmaryn"-diýip, Nadal Instagramda ýazdy.
Tennisçi beýle karara gelmegiň özi üçin kyn bolandygyny aýtdy. Şeýle hem: "Ýöne bedenimi diňläp, toparym bilen hemme zady ara alyp maslahatlaşanymdan soň, munuň dogry karardygyna düşündim"-diýip, ol sözüniň üstüni ýetirdi.
"Roland Garros bilen Wimbledonyň arasynda bary-ýogy iki hepde barlygy surnukdyryjy möwsüminden soň bedenime dikelmäge mümkinçilik bermeýär"-diýip, tennisçi belleýär. Nadal karýerasyny uzaltmak we bäsdeşlige ukyplylygyň iň ýokary derejesinde çykyş etmek isleýändigini nygtaýar.
Ýeri gelende bellesek, Wimbledon ýaryşy 28-nji iýundan 11-nji iýul aralygynda, Olimpiada bolsa 23-nji iýuldan 8-nji awgust aralygynda geçiriler.
