Raisi Eýranyň Prezidenti wezipesine saýlandy

  • 19.06.2021 20:14
  • 17k+

17,9 mln ses alan Ebrahim Raisi Eýranyň prezident saýlawlarynda ýeňiji diýlip resmi taýdan yglan edildi. Bu barada şenbe güni Eýranyň Içeri işler ministri Abdolrezy Rahmani Fazli mälim etdi diýip, TASS belleýär.

Prezident saýlawlarynda saýlawçylaryň umumy gatnaşygy 48,8% boldy, jemi 28,9 mln adam ses berdi.

“13-nji prezident saýlawlaryna gatnaşan 28 933 004 adamdan 17 926 345-si Ebrahim Raisä ses berdi” – diýip, ol aýtdy we gatnaşygyň 48,8% bolandygyny sözüniň üstüne goşdy. Şeýlelik bilen, bu görkeziji Eýranyň häzirki zaman taryhynda rekord derejede pes boldy. Ministriň çykyşy döwlet telewideniýesi tarapyndan ýaýlyma berildi.

Onuň aýtmagyna görä, kabul edilýän kararlaryň maksadalaýyklygy boýunça Geňeşiň sekretary Mohsen Rezai 3 412 712 ses, Eýranyň Merkezi bankynyň ozalky ýolbaşçysy Abdolnaser Hemmati 2 427 201 ses, Mejlisiň (parlament) başlygynyň orunbasary Amir Hoseýn Kazizade Haşemi 999 718 ses aldy. 
Häzirki prezident Hasan Rouhani bu wezipäni yzygiderli iki möhlet eýeländigi üçin, saýlawlara gatnaşmady. Saýlawlara jemi ýedi dalaşgär kabul edildi, ýöne olaryň üçüsi saýlaw kampaniýasynyň soňky gününde gatnaşmakdan boýun gaçyrdy.
Eýranyň prezidenti ählumumy ses berme bilen dört ýyl möhlete saýlanýar we ol bu wezipäni yzygiderli iki möhletden artyk eýeläp bilýär. 


düýn 18:24
16k+

Günorta Koreýa öz raýatlaryny Eýrandan çykarmakda beren kömegi üçin Türkmenistana minnetdarlyk bildirdi

Koreýa Respublikasynyň Daşary işler ministrligi Eýrandan raýatlaryny çykarmakda beren kömegi üçin Türkmenistanyň Hökümetine minnetdarlyk bildirdi. 24-nji iýunda Seuldaky Hökümet toplumynda geçirilen metbugat ýygnanyşygynda Koreýa Respublikasynyň Daşary işler ministrliginiň metbugat sekretary degişli beýanat bilen çykyş etdi diýip, Newscentralasia habar berýär...

düýn 08:18
9.9k+

Beýik Britaniýa raýatlarynyň Eýrandan çykarylmagyna beren kömegi üçin Türkmenistana minnetdarlyk bildirdi

24-nji iýunda Türkmenistanyň daşary işler ministriniň orunbasary Ahmet Gurbanow Beýik Britaniýanyň Ýewropa, Demirgazyk Amerika we deňiz aňyrsy ýurtlar boýunça döwlet ministri Stiwen Dauti bilen telefon arkaly söhbetdeşlik geçirdi...

24.06.2025 12:31
12k+

Raşid Meredow Aşgabatda Eýranyň daşary işler ministri bilen duşuşyk geçirdi

23-nji iýunda Türkmenistanyň Daşary işler ministrliginde Eýran Yslam Respublikasynyň daşary işler ministri Seýed Abbas Aragçynyň ýolbaşçylygyndaky wekiliýet bilen duşuşyk geçirildi. Eýran wekiliýeti resmi sapar bilen Aşgabada geldi...

24.06.2025 00:38
20k+

Türkmenistanyň ýardam bermegi netijesinde 4000 adam Eýrandan öz ýurduna dolandy

Türkmenistan ynsanperwer geçelgeler arkaly Eýranyň çäginden çykýan daşary ýurtly raýatlaryň bökdençsiz üstaşyr ugradylmagy üçin ýardam bermegini dowam edýär. Türkmenistanyň DIM-niň habar bermegine görä, bu günki güne çenli 52 döwlet Ýakyn Gündogarda ýagdaýyň çylşyrymlaşmagy bilen baglylykda, öz raýatlaryny yzyna gaýtaryp getirmek boýunça kömek sorap Türkmenistana ýüz tutdy...