2020-nji ýylda Italiýada doly garyplyk şertlerinde ýaşaýan adamlaryň sany (ýurduň sebitine baglylykda adam başyna düşýän 569,56 ýewrodan 839,78 ýewro çenli bolan aýlyk girdejisinden pes) 2005-nji ýyldan, ýagny şeýle statistika ýöredilip başlanandan bäri iň ýokary boldy. Bu barada Milli statistika instituty habar berdi diýip, www.banki.ru belleýär.
Şeýlelikde, 2020-nji ýylda Italiýada 5,6 milliondan gowrak adam (umumy sanynyň 9,4%-i) we 2 milliondan gowrak maşgala (7,7%) doly garyplyk şertlerinde ýaşady: bu 2019-njy ýyldaky görkezijilerden degişlilikde, 1,7 göterim nokady we 1,3 göterim nokady ýokarydyr. Otnositel garyplyk şertlerinde (iki adamdan ybarat maşgala üçin 1 001,86 ýewro çykdajydan az) 2,6 milliondan gowrak italýan maşgalasy ýaşady, bu 2019-njy ýyldaky maglumatlar bilen deňeşdirilende 1,3 göterim nokady azdyr.
Maşgalalaryň arasynda doly garyplygyň has ýokary derejesi ýurduň günorta sebitlerinde hasaba alynýar: ol ýerde olar umumy sanynyň 9,4%-dir (demirgazyk sebitlerde – 7,6%, merkezi sebitlerde – 5,4%). 2020-nji ýylda kämillik ýaşyna ýetmedik çagalary bolan 767 müň maşgala doly garyplyk ýagdaýynda boldy (2019-njy ýyldaky görkezijiler bilen deňeşdirilende, 2,2 göterim nokady köp).
Ýatlap geçsek, maý aýynyň ortalarynda Italiýanyň döwlet karzynyň möçberi şu ýylyň mart aýynda nobatdaky rekordy goýdy we ilkinji gezek 2,65 trln ýewrodan geçdi. Şeýle-de, 2020-nji ýylyň jemi boýunça Italiýanyň ykdysadyýeti 8,8-8,9% pese gaçdy.
