Skybridge Capital girdeji gaznasynyň esaslandyryjysy Entoni Skaramuççi meşhur kripto walýuta bolan bitkoiniň geljekde altynyň ornuny tutmagynyň mümkindigini aýtdy. Bu barada ferra.ru habar berdi.
"Bitkoin henizem ösýär, şonuň üçin hem ol şu ýyl juda gowy netijeleri görkezdi diýesim gelýär" - diýip, Skaramuççi öz pikirini CNBC-niň žurnalisti bilen paýlaşdy. Hünärmen häzirki wagtda bu kripto walýutasynyň entek durmuşa geçirmegiň başlangyç tapgyryndadygyny we onuň geljekde altynyň ornuny tutup biljekdigini hem sözüniň üstüne goşdy.
Skaramuççi bitkoine, takmynan, 500 million dollar töweregi kripto walýutalaryň satyn alandygy bilen baglylykda, onuň entegem ösmegini dowam etdirjekdigine ynanýar. "Skybridge Capital"-yň analitikleri 2025-nji ýyla çenli bitkoin eýeleriniň sanynyň 125 milliondan 1 milliarda çenli artjakdygyny çaklaýarlar. Şol bir wagtyň özünde, hünärmen bitkoiniň ýene birnäçe ýyldan soň hem edil häzirkisi ýaly üýtgäp durjakdygyny belleýär.
