ABŞ-nyň Prezidenti Donald Trampyň ogly, telekeçi we haýyr-sahawatçy Erik Tramp milliarder boldy. Bu American Bitcoin kriptowalýuta kompaniýasy NASDAQ biržasyna çykandan soň bolup geçdi diýip, Forbes habar berýär.
3-nji sentýabrda söwda başlandan soň kompaniýanyň paýnamalarynyň bahasy iki esse ýokarlandy. Kompaniýanyň bazar bahasy 7,3 mlrd dollara ýetdi.
KHBS-iň maglumatlaryna görä, Erik Trampa we Donald Tramp-kiçä American Bitcoin-iň paýnamalarynyň 20%-i degişli. Ösüşiň iň ýokary derejesinde olaryň paýlarynyň bahasy 2,6 mlrd dollar boldy, şol bir wagtyň özünde Erik Trampyň paýy 1 mlrd dollara golaýlady diýip, Reuters ýazýar. Soňra paýnamalaryň bahasy peseldi, ýöne doganlaryň paý bukjasynyň bahasy 1,5 mlrd dollar derejesinde galdy.
Trampyň tutuş maşgalasy kriptowalýuta taslamalaryny işjeň ösdürýär. 1-nji sentýabrda biržalarda olar tarapyndan çykarylan WLFI tokenleri satylyp başlandy. Söwda başlandan soň, maşgalanyň baýlygy 5 mlrd dollar artdy.
The Wall Street Journal gazetiniň habar bermegine görä, Donald Tramp bir günde kriptowalýutanyň üsti bilen tutuş ömründe emläk şertnamalarynda gazananyndan has köp gazandy.
