Apple 2021-nji ýylyň iň gowy mobil goşundylaryny saýlady

  • 14.06.2021 22:25
  • 6.8k+

Apple her ýylda «App Store» internet dükanlaryndaky mobil goşundylaryň we oýunlaryň 6 ugur boýunça iň gowularyny saýlaýar. hi-tech.mail.ru kompaniýanyň 2021-nji ýyldaky saýlan mobil goşundylarynyň adyny mälim etdi.

Özara baglanyşyk
Bu nominasiýada işläp taýýarlaýjylaryň mobil goşundylardaky amatly we düşnükli interfeýsleri saýlanýar. Howa maglumatly CARROT Weather mobil goşundysy bu ugurda ýeňiji boldy. Bu ugurda Bird Alone iň gowy oýun programmasy hökmünde saýlanyp alyndy.

Jemgyýetçilik ähmiýeti
Bu ugurda adamlara möhüm meseleri çözmäge ýardam edýän goşundylar saýlanyp alynýar. Be My Eyes bu babatda iň gowusy hökmünde ykrar edildi. Ol körlere we çala görýänlere kamera arkaly zatlary hem-de dünýä ýurtlaryndan meýletinçileri tanamaga kömek edýär. Albo mobil goşundysy bu ugurda iň gowy oýun hasaplandy. Ol Alba atly gyzjagazyň täze myhmanhananyň gurluşygy üçin zapowednigi ýok etmekleri sebäpli, haýwanlary halas edişi hakyndadyr.

Wizual görnüş we grafika
Owadan interfeýs we adaty bolmadyk dizaýn üçin saýlanýan bu ugurda belarusly programmaçylaryň Loona goşundysy ýeňiji boldy. Genshin Impact bolsa iň owadan oýun programmasy hökmünde saýlandy.

Innowasiýalar
NaadSadhana goşundysy Apple telefonlaryndaky Core ML neýroulgam moduly arkaly sazandalara wokal aýdymlary ýerine ýetirilende ýüze çykýan ýalňyşlyklara düşünmäge kömek edýär.
League of Legends oýnuny bolsa iň innowasion oýun hökmünde saýladylar.

Şatlyk we gyzykly güýmenje
Çagalaryň döredijilik ukyplaryny ösdürmäge we käbir zatlary synag edip görmeklerine mümkinçilik berýän Pok Pok Playroom mobil goşundysyny çagalar üçin iň gowy güýmenje diýip ykrar etdiler.
Little Orpheus bolsa bu ugurda iň gowy oýun hökmünde saýlanyp alyndy.

Inklýuziwlik
Voice Dream Reader goşundysy islendik maglumat çeşmesinden alnan tekstleri sesi bilen, şol sanda PDF faýllary okap bilýär. Şonuň üçin-de ol dürli gelip çykyşly, dürli dillerde gürleýän adamlar üçin hem amatly, hem peýdaly mobil goşundylary saýlanýan bu ugurda ýeňiji boldy.
HoloVista oýny bolsa köp zatlary özünde jemleýändigi üçin bu nominasiýanyň iň gowy oýny boldy.
Bäsleşigiň ýeňijileri Apple kompaniýasy tarapyndan öz mümkinçiliklerini ösdürmäge hem-de täze goşundylary döretmäge ýardam berýän tölegsiz softlar bilen sylaglanar.


düýn 16:42
1.9k+

Apple tankytlary nazara alyp, iOS 26-nyň ikinji beta wersiýasynda Liquid Glass-yň interfeýsiniň üstünde işledi

Apple kompaniýasy iOS 26 operasion ulgamynyň ikinji beta-wersiýasyny çykardy. Bu täzelenme bilen kompaniýa täze interfeýs dizaýny bolan Liquid Glass-daky esasy meseleleriň birini düzetdi. Täze interfeýs ýokary aç-açanlykly aýnanyň optiki aýratynlyklaryndan ylham alyp işlenipdi...

20.06.2025 17:40
2.6k+

Apple kompaniýasy iPhone 15 Pro-ny “Formula-1” baradaky filmi düşürmek üçin gurala öwürdi

Apple baş keşpde Bred Pitt bilen “Formula-1” baradaky filmi düşürmek üçin iPhone 15 Pro-nyň esasynda ýörite kamera döretdi. Gurluş gönüden-göni ýaryş ulagyna berkitmek üçin F1-iň adaty ýaýlym kameralaryna meňzeýän korpusa ýerleşdirildi...

17.06.2025 14:21
2k+

Huawei 2025-nji ýylyň I çärýeginde smart-sagatlaryň we fitnes bilezikleriniň bazarynda öňdebaryjy boldy

IDC analitiki agentliginiň maglumatlaryna görä, 2025-nji ýylyň birinji çärýeginde dakylýan gurluşlaryň (akylly sagatlar we fitnes bilezikleri) dünýä bazary 10,5% ösüp, 45,57 mln birlige ýetdi. Iň uly ösüş Hytaýda hasaba alyndy, bu ýerde döwlet goldawynyň netijesinde üpjünçilik 37,6% ýokarlandy...

13.06.2025 10:45
5.8k+

“Tanyş görünýär”: Samsung iOS 26-nyň täze funksiýalarynyň anonsy üçin Apple-i ýene ýaňsylady

Samsung-yň amerikan bölümçesi iOS 26-nyň tanyşdyrylyşyna seslenip, bäsdeşini ýene ýaňsylamak mümkinçiligini elden bermedi. WWDC 2025 konferensiýasynyň dowamynda Apple täzelenen operasion ulgamlary we emeli aňa esaslanýan täze funksiýalary hödürledi...