Psihiki saglyk bilen bagly meseleler dünýä ýüzüniň millionlarça adamlaryna, şol sanda ykdysady harajatlara hem täsirini ýetirýär. Bu barada Ykdysady Hyzmatdaşlyk we Ösüş Guramasynyň soňky çap edilen hasabatynda maglumatlar getirilýär — diýip, euronews.com habar berýär.
COVID-19 pandemiýasy işde, sosial durmuşda, bilimde, sport bilen meşgullanmakda we lukmançylyk hyzmatlaryndan peýdalanmakda ýaramaz täsirini ýetirip, ýagdaýlary has-da çylşyrymlaşdyrdy. Psihiki saglyk bilen bagly meseleler Ýewropanyň jemi içerki önüminiň, takmynan, 4 göterimine barabar ykdysady harajatlara getirýär. Onuň ýarysy gönüden-göni bejergiler, üçden biri bolsa işsizligiň pes derejesi we zähmet öndürijiliginiň aşak düşmegi bilen baglydyr.
Ykdysady Hyzmatdaşlyk we Ösüş Guramasynyň täze hasabatynda aýdylyşy ýaly, psihiki näsazlyklar bilen bagly ýokary sosial we ykdysady çykdajylary azaltmak maksady bilen, bir wagtyň dowamynda maýa goýumlaryny hem-de lukmançylyk hyzmatlarynyň hiliniň ýokarlandyrmak arkaly, ýurtlar ejir çekenlere deň goldaw bermeli. Şeýle hem hasabatda ýazylyşy ýaly, psihiki saglyk bilen bagly meseleleriň çözgüdiniň ilkinji ädimi hökmünde degişli ýolbaşçy düzümlere bu meseläni boýun almak zerur.
