Kaliforniýada ýolagçylar sürüjisiz öz-özüni dolandyrýan ulaglarda gatnap bilerler

  • 08.06.2021 21:38
  • 8.9k+

Kaliforniýada synag taslamasy işe giriziler we onuň dowamynda awtonom ulaglara ýolagçy gatnatmaga rugsat berler. Amerikanyň Kaliforniýa ştatynyň Kommunal kärhanalar boýunça komissiýasy Cruise kompaniýasyna ýolagçylary sürüjisiz awtomobiller bilen üpjün etmek boýunça ilkinji maksatnama gatnaşmagyna rugsat berdi. Bu barada edara habar berdi diýip, RIA Nowosti belleýär.

“Cruise – CPUC sürüjisiz maksatnamanyň ilkinji gatnaşyjysy. Bu maksatnamanyň çäginde ýolagçylar synag awtomobillerinde sürüjisiz gatnap bilerler. Cruise synag ulaglaryndaky gatnawlar üçin ýolagçylardan töleg alyp bilmez” – diýlip, relizde aýdylýar.

Ýöne synaglar üstünlikli tamamlanandan soň, ähli gatnawlar bellenen nyrh boýunça tölener. 
Ştatyň häkimiýetleri şeýle awtomobilleriň ýol howpsuzlygyny ýokarlandyrmaga, ýüze çykýan heläkçilik ýagdaýlarynyň sanyny ep-esli azaltmaga mümkinçilik berjekdigine ynam bildirýärler. 
Häzirki wagtda Cruise-iň kämilleşdirilen Chevrolet Bolt elektrokary bar. Wagtyň geçmegi bilen Cruise pedalsyz we rulsuz hususy Cruise Origin elektrokaryny çykarar. Bu GM-iň täze elektrik platformasynda döredilen sürüjisiz ulag serişdesidir.

27.11.2025 10:26
1.2k+

Alymlar ilkinji gezek biologik materiallar bolmazdan emeli beýni dokumasyny döretdi

Riwersaýddaky Kaliforniýa uniwersitetiniň bioinženerleri beýni dokumasyna meňzeş doly emeli dokumanyň döredilendigini habar berdi. Alymlara ilkinji gezek şeýle materialy hakyky biologik maddalary ulanmazdan döretmek başartdy...

11.11.2025 15:19
3.7k+

Kembrijde CO₂-ni peýdaly çig mala öwürýän “emeli ýaprak” döretdiler

Kembrij uniwersitetiniň alymlary Gün şöhlesiniň täsiri astynda kömürturşy gazyny (CO₂) we suwy peýdaly himiki maddalara öwrüp bilýän ýarym sintetik “emeli ýapragy” döredendiklerini habar berdiler. Bu enjam tebigy fotosinteziň iş prinsipini gaýtalaýar we zäherli katalizatorlary ulanmaýar, şonuň bilen hem ekologiýa taýdan arassa hasaplanýar diýip, SciTechDaily ýazýar...

10.11.2025 13:10
5.3k+

Günorta koreýaly alymlar robotlar üçin çeýe we örän güýçli emeli myşsa döretdiler

Ulsandaky Milli Ylym we Tehnologiýa Institutynyň  (UNIST) alymlary robotlar üçin täze görnüşli emeli myşsa taýýarladylar. Bu material ynsan we haýwan myşsalaryndaky ýaly çeýeligi we berkligi özünde jemleýär. Hasaplamalara görä, eger adam şeýle myşsalara eýe bolsady, ol bir eli bilen pil saklap biljekdi...

09.11.2025 19:12
4.7k+

Ysmaz adam Neuralink-iň kömegi bilen daş-töweregi görüp başlady

Neuralink-iň hassasy Bred Smit görmekden mahrum bolmandy, ýöne amiotrofik gapdal sklerozy sebäpli ol kellesini hereket etdirip bilenokdy. Ýöne ol beýni implantyny ulanmagyň täze usulyny tapdy. Indi ol Neuralink-i ýörite berkidilen web-kamerany dolandyrmak üçin ulanýar...