Russiýada koronawirusa garşy «Sputnik V» sanjymyny öndürýän iri derman kompaniýasy bolan «Generium» şu ýylyň iýulyndan her aýda 20 million doza çenli sanjym öndürip başlar. Bu barada kompaniýanyň Baş direktory Daniil Talýanskiý habar berdi — diýip, TASS agentligine salgylanyp, «МИР 24» teleýaýlymy maglumat berýär.
Ozal habar berlişi ýaly, Russiýa ilata sanjym etmek üçin «Sputnik V» sanjymynyň 30 million dozasyndan gowragyny satyn aldy. Peterburg halkara ykdysady forumynyň çäklerinde Russiýanyň saglygy goraýyş ministri Mihail Muraşko bu barada aýtdy. Koronawirusa garşy bu sanjymyň birinji tapgyrynda russiýalylaryň 18 milliona golaýyna sanjym edildi.
Häzirki wagtda ýurtda COVID-19-a garşy sanjymlaryň dördüsi — «Sputnik V», «Sputnik Laýt», «EpiWakKorona» we «KowiWak» hasaba alyndy.
