Nikkei: Toyota bilen Honda Malaýziýada awtomobil önümçiligini togtatdylar

  • 02.06.2021 22:26
  • 15k+

Ýaponiýanyň Toyota we Honda awtokonsernleri Malaýziýada koronawirus çäklendirmeleriniň güýje girmegi sebäpli, täze awtomobilleriň önümçiligini we satuwyny togtatmak kararyna geldiler. Bu barada “Nikkei” gazeti habar berdi diýip, TASS belleýär.

Toyota-nyň Malaýziýada Selangor ştatynda iki zawody bar. Honda-nyň hem ýurtda motosikl we awtomobil öndürýän iki kärhanasy bar. Malaýziýanyň häkimiýetleriniň talaplary sebäpli, awtokonsernler iş orunlarynda işgärleriň 10%-ine golaýyny goýmaly boldular, netijede zawodlaryň adaty tertipde işlemegi mümkin bolmady.
Soňky ýylyň içinde iň agyr sosial-ykdysady çäklendirmeler Malaýziýada koronawirus bilen kesellänleriň sanynyň birden ýokarlanmagy sebäpli sişenbe güni güýje girdi. Premýer-ministr Muhiddin Ýassin tarapyndan yglan edilen berk çäreler ýurduň ähli ýerinde 14-nji iýuna çenli hereket eder, şondan soň ýagdaý gowulaşsa, olaryň kem-kemden ýatyrylmagyna garaşylýar.
Maý aýynda Malaýziýada kesellänleriň sany birden köpelip başlady. Geçen hepde nobatdaky antirekord goýuldy – bir günde 9 müňden gowrak keselli. Hünärmenler muny wirusyň hindi ştamynyň ýurda ýaýramagy we koronawirus üçin barlaglaryň ýeterlik däldigi bilen düşündirýärler.


30.05.2025 17:02
8.3k+

Toyota öz awtomobillerinde hususy operasion ulgamyny ulanyp başlar

Toyota awtomobiller üçin öz Arene operasion ulgamynyň üstünde işleýär. Ony indiki ýylyň mart aýynda kompaniýanyň iň meşhur modelleriniň biri bolan täze nesil RAV4 ulagyna ornaşdyrmak meýilleşdirilýär. Financial Times-yň habar bermegine görä, Arene-niň işlenip taýýarlanmagy ýedi ýyl bäri dowam edýär...

28.05.2025 14:04
14k+

Toyota kompaniýasy GR Corolla-nyň önümçiligini Ýaponiýadan Beýik Britaniýa geçirer

Toyota Demirgazyk Amerikanyň bazary üçin niýetlenen GR Corolla sport hetçbeginiň önümçiliginiň bir bölegini Ýaponiýadan Beýik Britaniýa geçirer. Kompaniýa Derbişir graflygynyň Býornaston şäherindäki zawodda ýörite önümçilik hataryny döretmek üçin, takmynan, 56 mln dollar maýa goýmagy göz öňünde tutýar...

28.05.2025 11:38
5.1k+

Toyota yzky çyrasynda ýüze çykan mesele boýunça 443 müň töweregi Tundra-ny yzyna çagyrýar

Toyota 2022-2025-nji ýyllar aralygynda öndürilen 443 000 töweregi Tundra pikabyny yzyna çagyrýar. CarBuzz neşiriniň habar bermegine görä, yzky çyralary näsazlyk tapyp biler, ýagny bloga aralaşyp biljek çyglylyk onuň poslamagyna we döwülmegine sebäp bolup biler...

25.05.2025 10:43
10k+

Toyota modeliň 70 ýyllygyna bagyşlap, Crown-yň ýörite wersiýasyny çykardy

Ýaponiýada Toyota Crown sedanynyň ýörite wersiýasy satylyp başlandy, ol modeliň 70 ýyllygyna bagyşlanýar. Bu wersiýa Crown Special Edition Z «The 70th» adyny aldy. Model Mercedes-Maybach awtomobilini ýatladýan kuzowyň iki reňkli boýagy bilen tapawutlanýar: onuň üsti Precious Metal kümüşsöw reňkinde, aşaky bölegi bolsa ak ýa-da gara perlamutrda ýerine ýetirildi...