Geçen hepde dünýäde 5,5 milliondan gowrak koronawirus ýokuşmasy we 90 müňden gowrak ölüm hasaba alyndy. Ondan aňyrky hepde bilen deňeşdirilende, kesel we ölüm derejesi 4% azaldy diýip, Bütindünýä saglygy goraýyş guramasy (BSGG) çarşenbe güni Ženewada habar berdi.
"Bütin dünýäde COVID-19 bilen täze kesellänleriň we ölenleriň sany birneme azaldy: 5,5 milliondan gowrak adama wirus ýokuşdy we 90 müňden gowrak adam aradan çykdy"-diýip, Bütindünýä saglygy goraýyş guramasy hepdelik epidemiologik býulleteninde belläp geçdi. Şeýle hem gurama birneme peselendigine garamazdan, aradan çykýanlaryň sanynyň gaty ýokary derejede galýandygyny nygtady.
Keselleme derejesi Günorta-Gündogar Aziýa sebitinde (6%) ýokarlandy. Bu sebite BSGG Hindistan bilen deň derejede garaýar. Şeýle hem täze kesel ýokuşmalarynyň sany Ýewropada 23%, Gündogar Ortaýer deňzinde - 13%, Afrikada - 5%, Demirgazyk we Günorta Amerikada - 4% azaldy. Ölüm derejesi bolsa Günbatar Ýuwaş ummany sebitinde (34%) we Günorta-Gündogar Aziýada (15%) ep-esli ýokarlandy, ýöne Ýewropada (18%), Gündogar Ortaýer deňzinde (13%), Amerikada (4%), şeýle hem Afrikada (3%) azaldy.
