"Roskaçestwo" agyz-burun örtüklerini barlagdan geçirdi we ähli nusgalaryň hökmany howpsuzlyk talaplaryna laýyk gelýändigini, düzüminde himiki maddalaryň ýokdugyny anyklady. Bu barada guramanyň habarynda aýdylýar.
"Roskaçestwo" Federal lukmançylyk we biologiýa gullugy (Russiýanyň FMBA-sy) bilen bilelikde bölekleýin satuwda bolup biljek örtükleriň esasy görnüşlerini: lukmançylyk örtüklerini, agyz-burun örtüklerini (bir gezek we köp gezek ulanylýan) we şahsy gorag enjamlaryny (FFP2 respiratorlaryny) barlagdan geçirdi. Örtükler jemi 14 haryt nyşanyna degişli bolup, olaryň 9 sanysy Russiýada, bäşisi Hytaýda öndürilýär.
"Synag edilen örtükleriň hemmesi hökmany howpsuzlyk talaplaryna laýyk gelýär, düzüminde formaldegid, aseton, metanol we beýleki himiki maddalar ýok we olar derini gyjyndyrmaýar. Bu bolsa örtügi dakynanyňyzda zäherli elementlerden dem almajakdygyňyzy we örtükleriň howpsuzdygyny aňladýar" - diýlip, habarda aýdylýar.
