Sensor Tower analitik kompaniýasy 2021-nji ýylda iň köp ýüklenýän programmalaryň sanawynda Telegram-yň birinji orny eýeländigini belleýär diýip, ctnews.ru habar berýär.
Ýanwar aýynda bu messenjer 63 million gezek gurnaldy. Görkeziji geçen ýylyň degişli döwri üçin statistikadan dört esse ýokarydyr. Uly ösüş Hindistan bilen Indoneziýanyň paýyna düşdi. Sanawda ikinji orny TikTok eýeleýär. Wideoserwis 62 million gezek ýüklenildi. Şol bir wagtyň özünde häkimiýetleriň programmany gadagan etmek synanyşygyna garamazdan, ýükläp almagyň 10 göterimi ABŞ-nyň auditoriýasyna degişli boldy.
Liderleriň bäşliginde Signal, Facebook we WhatsApp hem bar. Android ulanyjylarynyň arasynda ýükläp almak boýunça sanawda Signal ikinji orny, iOS ulanyjylarynyň arasynda onunjy orny eýeledi.
