NordPass portalynyň hünärmenleri 2020-nji ýylyň jemi boýunça ulanyjylaryň arasynda has meşhur bolan parollaryň sanawyny neşir etdiler. Bu barada infosmi.net habar berýär.
Ulanyjylar iň azyndan 2,5 million gezek 123456 parolyndan peýdalandylar. Bu ýönekeý parol meşhurlygy boýunça reýtingde birinji orny eýeledi. Ikinji orunda 123456789 paroly ýerleşdi. 961 müňden gowrak ulanyjy bu has “çylşyrymly” paroly ulandy. Meşhurlygy boýunça üçünji orunda picture1 paroly ýerleşdi – ol azyndan 360 müň adam tarapyndan ulanyldy.
Meşhur parollaryň reýtinginiň dördünji orny password parolyna degişli boldy. Şeýle-de, bu sanawda 12345678, 12345, 111111, 123123 we şuňa meňzeş parollar hem bar.
Hünärmenler picture1-den başga parollaryň hakerler tarapyndan on sekundyň içinde bilinýändigini belleýärler. Şol bir wagtyň özünde, has çylşyrymly parollar – meselem, aýdym-saz toparlarynyň ýa-da filmleriň atlary hem howpsuz däl hasaplanylýar, şeýle-de bolsa, bu parollar hem köp ulanylýar.
Sanawda döwmek üçin iň kyn parol “jobandtalent” boldy. Ony 34,5 müňden gowrak adam ulandy, bu söz utgaşmasyny döwmek üçin üç ýyl gerek bolar. NordPass ortaça ulanyjynyň ýylyň başyna garanyňda, 25% köp parol ulanyp başlandygyny belleýär.
