«Pari Sen-Žermen» fransuz futbol klubynyň üç sany oýunçysynyň koronawirus üçin barlagy položitel bolup çykdy. Bu barada toparyň saýtynda habar berilýär. L’Equipe gazetiniň maglumatlaryna görä, gürrüň argentinaly belli ýarym goragçylar Anhel Di Mariýa we Leandro Paredes, şeýle-de braziliýaly hüjümçi Neýmar barada gidýär.
Toparyň üç agzasy hem koronawirusyň gaýtadan ýaýrawynyň bellige alynýan ýeri bolan Ibisadan dolandylar diýip, gazet ýazýar. Toparyndaky köp ýoldaşlary ýaly, olar hem Çempionlar ligasynyň finalyndan soň rugsadynyň bir bölegini şypahanada geçirdiler. Häzir kesellän oýunçylar karantinde bolýarlar.
Neýmar dünýäde iň gymmat oýunçy bolup durýar. 2017-nji ýylda ol rekord möçberinde 222 mln ýewro «Barselonadan» «PSŽ-e» geçdi.
