BSGG örtük ​​geýmek üçin iň kiçi ýaşy kesgitledi

  • 23.08.2020 23:11
  • 28k+

Bütindünýä saglygy goraýyş guramasy we Birleşen Milletler Guramasynyň Çagalar gaznasy (ÝUNISEF) 5 ýaşa çenli çagalardan COVID-19 pandemiýasy sebäpli agyz-burun örtügini ​​geýmegi talap etmegi maslahat bermeýär diýlip, BSGG-niň web sahypasynda ýerleşdirilen habar býulleteninde aýdylýar. Muny Ria NOWOSTI ýetirýär.

"5 ýaşa çenli we ondan kiçi çagalardan agyz-burun örtügini ​​geýmegi talap edilmeli däldir. Bu çaganyň howpsuzlygyna we umumy gyzyklanmalaryna, şeýle hem maskany özbaşdak dogry ulanyp bilmek ukybyna esaslanýar" diýlip, habarda bellenilýär.

BSGG we ÝUNISEF-iň maslahat bermegine görä, eger-de çaga 6 ýaşdan 11 ýaş aralygynda bolsa, maskalary ulanmak ýa-da ulanmazlyk barada karara gelende, käbir zatlary göz öňünde tutmaly. Olara wirusyň çaganyň ýaşaýan ýerindäki ýaýrama derejesi, maskany howpsuz we dogry ulanmak ukyby, ulularyň olara ýeterlik gözegçiligi, maska ​​geýmegiň onuň okuwyna we psihososial ösüşine ýetirip biljek täsiri, gorag maskalaryna elýeterlilik, olary çalyşmak we ýuwmak ukyby degişlidir.
Guramalar 12 we ondan uly ýaşly çagalar ulular bilen deň derejede maska ​​geýmeli diýip hasaplaýarlar.

"Bütindünýä saglygy goraýyş guramasy we ÝUNISEF 12 ýaşdan uly çagalara ulular bilen deň şertlerde maska ​​geýmegi maslahat berýärler, hususan-da beýleki adamlardan azyndan 1 metr aralygy saklamagy kepillendirip bolmadyk ýagdaýlarda we giňden ýaýran sebitinde (wirusyň - Red.)" - diýlip, býulletende aýdylýar.

düýn 13:55
1.7k+

The Guardian: Melburndaky barlag ylmy AIW-e garşy bejergini tapmaga ýene bir ädim ýakynlaşdyrdy

Awstraliýanyň Melburn şäherindäki Piter Doerti adyndaky Ýokanç we immunitet institutynyň alymlary ak gan öýjükleriniň (leýkositleriň) içinde adamyň immunýetmezçilik wirusyny (AIW) ýüze çykarmaga mümkinçilik berýän usuly işläp düzdüler...

04.06.2025 15:47
3.8k+

Beýniniň rak keseli üçin täze immunoterapiýa hassalaryň ömrüni bir ýyldan gowrak uzaltdy

"Gaýtadan düzülen" T öýjüklerine esaslanýan goşa immunoterapiýa beýniniň rak keseli bolan glioblastoma keselli näsaglaryň ömrüni 12 aýdan gowrak uzaltdy. Bu barada Pensilwaniýa döwlet uniwersitetiniň (PSU) lukmançylyk mekdebiniň metbugat gullugyna salgylanýan TASS habar berdi...

01.06.2025 19:16
5.1k+

Synaglar kofeniň gujur berijiliginiň diňe kofein bilen bagly däldigini subut etdi

Psihologlar kofeniň, hakykatdanam, düzüminde kofein bolany üçin gujur beriji häsiýete eýemi ýa dälmi anyklamak üçin synag geçirdiler. Netijeler kofeni içýän adamyň özüni duýşuna bu içginiň diňe bir düzümi täsir etmän, eýsem, ony duýşuň we lezzet bilen içmek däbiniň hem täsir edýändigini görkezdi diýip, Heliyon žurnalynda çap bolan barlagda aýdylýar...

30.05.2025 16:54
5.3k+

Russiýada glaukoma operasiýalary üçin dünýäde ilkinji mikrostent döredildi

Russiýada glaukomany hirurgiki bejermek üçin dünýäde ilkinji mikrostent döredildi. Bu barada Russiýanyň Ylymlar akademiýasynyň (RYA) prezidenti Gennadiý Krasnikow 28-30-njy maý aralygynda Moskwada geçirilýän RYA-nyň umumy ýygnagynda mälim etdi...