"Samsung" kompaniýasy täze önümleriniň görkezilişini gurady. Onlaýn usulda geçirilen bu tanyşdyryş dabarasynda žurnalistlere “Galaxy Note20”, “Galaxy Note20 Ultra” smartfonlary, çeýe ekranly “Galaxy Z Fold2”, "Tab S7" we "S7 +" planşetleri we “Galaxy Watch3” akylly sagatlary görkezildi. Bu barada RIA Nowosti agentligi habar berýär.
Çeýe ekranly “Galaxy Z Fold2”-da göze görünmeýän çarçuwaly iki sany “Infinity-O” displeýi ýerleşdirilipdir - daşkysy -6,2 dýuým, içki displeýi bolsa 7,6 dýuým. Alyjylara onuň gara we bürünç reňkleri hödürlenilýär.
“Galaxy Note20” seriýasy programmalaryň arasynda hereket etmegi aňsatlaşdyrmak üçin "S Pen" elektron ýelegini bäş sany täze hereket bilen baýlaşdyrdy. "Notes"-de indi teksti awtomatiki ýatda saklamak we planşet ýa-da kompýuter bilen sinhronlamak mümkinçilikleri bar.
“Galaxy Note20”-ni indi ulanyja habarlary ibermäge, ýatlatmalary dolandyrmaga, şeýle hem kompýuterden jaň etmäge we jaňlary kabul etmäge mümkinçilik berýän Windows kompýuterleri bilen sinhronlap bolýar. Ýylyň ahyryna çenli enjamyň eýeleri Windows 10 kompýuterinde birnäçe programmany işledip bilerler. “Galaxy Note20” we “Note20 Ultra” smartfonlary satyn almak üçin täze bürünç reňkde köpçülige hödürleniler.
“Galaxy Tab S7” we “Tab S7 +” smartfonlary täze prosessorlara we uly displeýe eýe: degişlilikde 11 dýuým we 12,4 dýuým, täzeleniş ýygylygy 120Hz çenli.
“Galaxy Watch3” akylly sagady elektrokardiogrammanyň görkezijilerini, ganda kislorodyň derejesini we gan basyşy ölçeýjiniň hem-de fitnes tälimçisiniň wezipelerini özünde jemleýär.
