Russiýanyň koronawirusa garşy sanjymy hasaba alynmaga taýýarlanylýar

  • 02.08.2020 13:01
  • 16k+

Russiýa Federasiýasynyň Saglygy goraýyş ministrliginiň N.F.Gamalei adyndaky epidemiologiýanyň we mikrobiologiýanyň milli barlag merkezi tarapyndan taýýarlanylan koronawirus ýokanjyna garşy sanjymyň kliniki synaglary tamamlandy. Häzirki wagtda ony bellige aldyrmak üçin resminamalar taýýarlanylýar. Bu barada RF-niň saglygy goraýyş ministri Mihail Muraşko žurnalistlere habar berdi, muny ТАSS ýetirýär.

“Gamalei merkezi tarapyndan taýýarlanylan koronawirus ýokanjyna garşy sanjymyň kliniki synaglary tamamlandy we häzir bellige aldyrmak işleri üçin resminamalar toplumy taýýarlanylýar” – diýip, ol aýdýar.

Ministriň aýtmagyna görä, lukmançylyk işgärlerine we mugallymlara merkez tarapyndan taýýarlanylan koronawirus ýokanjyna garşy sanjym birinji goýberiler.

“Bellige alyş şahadatnamasy alnandan soň, sanjym ulanylyp başlanar we ugurdaş gözegçilik işi hem alnyp barlar, ol aýratyn toparlara sanjym sançmak işi bilen ugurdaş başlanar, bu toparlara birinji nobatda, lukmanlar we mugallymlar girýär, şeýle-de sanjym edilen näsaglara gözegçilik alnyp barlar” – diýip, ol ТАSS-yň soraglaryna jogap bermek bilen aýdýar.

Russiýanyň saglygy goraýyş ministrligi has köpçülikleýin sanjym işini oktýabrda başlamagy meýilleşdirýär diýip, Muraşko habar berýär.

“Biz has köpçülikleýin sanjym goýbermek işine başlamagy meýilleşdirýäris, sebäbi biz ýuwaş-ýuwaşdan kömek etmegiň täze ulgamyna girişmeli, bu bolsa oktýabr aýyna düşýär” – diýip, ol aýdýar.

Ministr Rospotrebnadzoryň “Wektor” wirusologiýanyň we biotehnologiýanyň döwlet ylmy merkezi tarapyndan taýýarlanylan sanjymyň häzir kliniki synaglaryň tapgyrynda ýerleşýändigini sözüniň üstüne goşdy. Mundan başga-da, Saglygy goraýyş ministrligi ýene-de iki sanjymyň geljek 1,5-2 aýyň içinde meýletinçilerde kliniki synaglaryň geçirilmegine talapnama bermegine garaşýar.

Öň habar berşimiz ýaly, rus alymlary tarapyndan işlenip taýýarlanylan koronawirusa garşy serişde synag sanjymyna isleg bildiren meýletinçileriň 100%-inde immuniteti emele getirdi.

düýn 06:44
5.4k+

Hytaýda ilkinji gezek adama doňzuň öýkeni oturdyldy

Hytaýda alymlar topary ilkinji gezek genetiki taýdan üýtgedilen doňuzdan alnan öýkeni ölüm halyndaky hassa oturtdy. Organ şol bada bitişmezlik ýagdaýyny görkezmedi. Bu hem ylmy gözlegçileriň pikiriçe, haýwan organlaryny ksenotransplantasiýa üçin ulanyp boljakdygyny tassyklaýar diýip, Nature Medicine habar berýär...

22.08.2025 15:19
5.2k+

Dişleriň sagdyn bolmagy üçin: Russiýada düzüminde probiotikler bolan sakgyç döredildi

Seçenow uniwersitetiniň hünärmenleri probiotiklerden we prebiotiklerden düzülen çeýnelýän sakgyç döretdiler. Uniwersitetiň metbugat gullugynyň habaryna görä, täze önüme «Reteriks» diýlip at berildi. Onuň maksady – kariýesiň, gingiwitiň we beýleki stomatologik keselleriň töwekgelçiligini azaltmakdyr...

22.08.2025 08:21
4.7k+

Russiýaly alymlar pnewmoniýany we meningiti oýaryjyny dargadýan wirusy tapdylar

Sibir Ylymlar akademiýasynyň (SO RAN) Himiýa-biologiýa we fundamental lukmançylyk institutynyň hünärmenleri pnewmoniýa, meningit, sepsis döredýän we köplenç hassahanalarda giňden duş gelýän howply bakteriýany ýok edip bilýän täze wirus-bakteriofagy açdylar diýip, «Nauka v Sibiri» neşiri habar berýär...

18.08.2025 10:02
2.2k+

ABŞ-da düzgünleşdiriji dowamly öýken keselini bejermek üçin ilkinji derman serişdesini tassyklady

ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň  artykmaç bölünip çykmagy bilen utgaşýar diýip, Reuters ýazýar...