Russiýa Hytaýa goýberýän gazynyň möçberini artdyrar

“Gazprom” “Sibiriň güýji” turbageçirijisi arkaly Hytaýa iberilýän 6 milliard kub metr gazyň möçberini ýylda 44 milliard kub metre çenli ýokarlandyrmak barada gepleşik geçirýär. Muny "Gazprom"-yň ýolbaşçysy Alekseý Miller kompaniýanyň web sahypasynda çap edilen söhbetdeşlikde aýtdy.
Edil şeýle ýokarlanmasa-da, "Sibiriň güýji" arkaly ýylda 38 milliard kub metre ýetirilmegi meýilleşdirilýän artdyrmanyň suwuklandyrylan tebigy gaz importynyň we Hytaýa Merkezi Aziýanyň gaz üpjünçiliginiň ösüş depgininden ýokary boljakdygyny Miller belledi.
Mundan başga-da, Milleriň pikiriçe, Uzak Gündogardan Hytaýa gaz üpjünçiligini guramak boýunça, şeýle hem “Sibiriň güýji-2” we “günbatar” ugurlary boýunça gurluşyk işleri alnyp barylýar. "Bilelikde, bu ýakyn geljekde Hytaýa 130 milliard kub metrden gowrak turbageçiriji gazyny eksport etmek barada gürleşmäge mümkinçilik döredýär" -diýip, Gazpromyň başlygy belleýär.
"Sibiriň güýji" gaz geçirijisi 2019-njy ýylyň dekabrynda işe girizildi. 2020-nji ýylda Hytaýa, azyndan, 5 milliard, 2021-nji ýylda - 10 milliard, 2022-nji ýylda bolsa 15 milliard kub metr gaz goýbermek meýilleşdirilýär. Onuň iň ýokary üpjünçilik kuwwatyna - 38 milliard kub metre 2025-nji ýylda ýylda ýeter diýlip garaşylýar.