Ýewropanyň nebit ýetmezçiligi bilen çaknyşmagy mümkin

Ýewropa geljek on ýylyň içinde nebit ýetmezçiligi bilen çaknyşyp biler, bu barada “The Guardian” gazeti Shift Project analitik merkeziniň derňewine salgylanmak bilen ýazýar. Fransuz merkezi öz çaklamasyny Norwegiýanyň Rystad Energy konsalting kompaniýasynyň maglumatlary esasynda öňe sürdi. Bu barada lenta.ru habar berýär.
Onda nebitiň gazylyp alynmasynyň Ýewropa Bileleşiginiň gazylyp alynýan ýangyja garaşlylygyny ýeňip geçýänçä, örän çalt kemeljekdigi aýdylýar. Bu çökgünligiň döremek howpuny güýçlendirýär we bahalaryň geň galdyryjy ýagdaýda ösmegi bilen gorkuzýar. Hünärmenler Russiýada we SSSR-iň ozalky respublikalarynda “ulgamlaýyn pese düşme” aňlatmasy bilen gazyp alýan pudagyň ýagdaýyny häsiýetlendirýärler. Olar ÝB-ny çig mal bilen üpjünçiligiň 40 göteriminden gowragyny üpjün edýär.
Afrikada hem geljek on ýylyň içinde nebitiň gazylyp alynmasynyň birden peselmegine garaşylýar. Koronawirus pandemiýasy täze nebit taslamalaryna maýa goýujylygy togtatmak bilen, bazarda ýagdaýy ýaramazlaşdyryp biler. Iri kompaniýalaryň geljek ýyl üçin çykdajylaryny tas çärýek (40 milliard dollar) kemeltmegine garaşylýar.
Analitikler alternatiw energiýa göterijilere çalt geçmegiň diňe bir klimatyň üýtgemegine garşy göreşde aýgytlaýjy rol oýnaman, eýsem, ösüp barýan bazarlarda peselmekden gaçmaga kömek eder diýip hasaplaýarlar.