Tesla müşderileri üçin täze çäklendirmeleri girizýär

Amerikan kompaniýasy öň satyn alnan ekzemplýarlary yzyna gaýtarýan müşderilere Tesla Model Y täze krossoweri satyn almaga mümkinçilik bermez. Şertnamanyň täze punktyna üns beren “Auto Motor und Sport” nemes neşiriniň habar bermegine görä, haýsy hem bolsa bir sebäp bilen öň alnan awtomobili Tesla awtoöndürijisine yzyna beren adam 12 aýyň içinde täze Model Y awtomobilini satyn alyp bilmez.
Kompaniýada Tesla Model Y awtomobiline islegiň ýokarydygy üçin şeýle çäklendirmelere ýol bermeli bolýandygyny bellediler. Mundan başga-da, nägile bolan alyjy brak ýa-da döwük elektrik krossowerini täzesine çalşyryp bilmez, oňa diňe puly gaýtarylyp beriler.
Çäklendirme markanyň beýleki awtomobillerine-de ýaýradylýar. Meselem, elektrokary yzyna berýän wagtlary onuň eýesini aldawçylykda tutsalar, onda oňa Teslanyň diler merkezlerine 1 ýylyň dowamynda barmaklyk gadagan ediler. Bu howply müşderileriň girýän markanyň hususy diler torlary we bitewi bazasy arkaly mümkin bolýar.
Öň, speedme.ru neşiri Tesla amerikan awtoöndürijisiniň Tesla Model Y täze elektrokaryň önümçiliginde birnäçe näsazlyklar bilen çaknyşandygyny ýazdy. Meselem, köplenç ulaglaryň ýaramaz hilli ýygnalmagy, awtomobilleriň satyn alyjylara gowuşmagynda gijä galmalar ýaly kemçilikler we beýleki önümçilik kemçilikleri duşýar. Alyjylaryň çaknyşan näsazlyklarynyň arasynda howpsuzlyk kemerleriniň we yzky hataryň oturgyjynyň berkidilmezligi agzalýar.