Toyota kompaniýasy Land Cruiser 250 (Prado) wnedorožnigini täzeledi we ogurlykdan goragyny güýçlendirmäge ünsi jemledi. Model birnäçe goşmaça wariantlary, şeýle hem ogurlanmak töwekgelçiligini azaltmaga niýetlenen täze howpsuzlyk ulgamlaryny aldy.
Ýaponiýada Land Cruiser awtoulaglary yzygiderli iň köp ogurlanýan awtoulaglaryň hatarynda durýar. Munuň öňüni almak üçin inženerler açara çenli aralygy ölçeýän ulgamy ornaşdyrdylar: eger açar awtoulagyň daşynda bolsa, gapylary açyp, hereketlendirijini işletmek mümkin bolmaz.
Mundan başga-da, ulagyň eýesine uzak aralykdan hereketlendirijiniň işlemeginiň öňüni almaga mümkinçilik berýän T-Connect My Start Lock funksiýasy ornaşdyryldy.
Täzelenme täzelenen enjamlary hem öz içine alýar. Kuzowyň reňk gammasy giňeldildi. Öň diňe First Edition-da elýeterli bolan retro stilindäki tegelek Bi-Show LED faralar indi VX komplektasiýasynda goşmaça teklip edilýär. Bu görnüşe elektron kömek ulgamlary goşulýar: ýol dykynlarynda kömek we zolagy çalyşmakda kömek.
Standart enjamlara tokly işleýän oturgyçlar girýär: sürüjiniň oturgyjynda sekiz sazlama we ýatda saklamak ulgamy, öňdäki ýolagçynyň oturgyjynda bolsa dört sany sazlama bar.
Tehniki bölegi öňküligine galýar. Awtoulag 163 at güýjüne (246 Nm) eýe bolan 2,7 litrlik benzinli hereketlendiriji, alty tizlikli awtomatiki geçiriji we hemişelik ähli tekerleri hereketlendiriji bilen üpjün edilen.
Ýaponiýada Land Cruiser VX-iň ýedi orunlyk benzin wersiýasynyň bahasy 5,78 million iýenden (takmynan 36,200 ABŞ dollary) başlaýar. Benzin wersiýasynyň täze aýratynlyklary ilki aljakdygyny, dizel wersiýasynyň bolsa soňra täzelenjekdigini bellemek gerek.
