Türkmenistanyň daşary işler ministri R.Meredow Aziýa ösüş bankynyň Türkmenistandaky Hemişelik wekilhanasynyň direktory Çang Çing Ýu bilen häzirki pandemiýa ýagdaýlarynyň nazarda tutulmagy bilen, CОVID-19-yň durmuş-ykdysady ulgama ýetirýän täsiriniň peseldilmegi boýunça tagallalaryň utgaşdyrylmagynyň zerurlygyna üns çekdiler. Bu ugurda Türkmenistanyň ýurtda hem-de tutuş sebitde durnuklylygyň we ykdysady ösüşiň pugtalandyrylmagy boýunça hereketleri nygtalyp geçildi. Bu barada taraplar 23-nji iýunda geçiren duşuşygynda bellediler.
Gepleşikleriň barşynda geljegi täze taslamalarynyň iş ýüzünde durmuşa geçirilmegi bilen bir hatarda, özarahereketleriň ileri tutulýan ugurlary jikme-jik ara alnyp maslahatlaşyldy. Hususan-da, bank ulgamynda ysnyşykly hyzmatdaşlyk etmegiň, şonuň ýaly-da energetika we ulag ulgamlarynda bilelikdäki taslamalaryň durmuşa geçirilişiniň has hem işjeňleşdirilmeginiň meselelerine seredilip geçildi.
Mundan başga-da taraplar iş ýüzünde durmuşa geçirilip başlanan hususy telekeçilige hemmetaraplaýyn goldaw berilmegine gönükdirilen bilelikdäki taslamalara we maksatnamalara hem giňişleýin seredip geçdiler.
Türkmenistan we Aziýa ösüş banky CОVID-19-yň ykdysadyýete täsirini peseltmegiň ýollaryny maslahatlaşdy
- 24.06.2020 11:25
- 11k+
