Ulag-aragatnaşyk ulgamynyň kärhanalarynyň düzümini kämilleşdirmek boýunça Türkmenistanyň Prezidentiniň beren tabşyryklaryna laýyklykda, Maliýe we ykdysadyýet ministrligi tarapyndan bu toplumyň degişli edaralary bilen bilelikde degişli işler geçirildi. Seljermäniň esasynda bu pudagyň guramalarynyň birnäçesiniň ätiýaçlyk serişdelerini has netijeli ulanmak teklip edildi. Bu barada Hökümet mejlisinde Ministrler Kabinetiniň Başlygynyň orunbasary G.Müşşikow hasabat berdi.
Gurbanguly Berdimuhamedow hasabaty diňläp, bazar gatnaşyklarynyň çalt ösýän şertlerinde hojalyk işini guramagyň barha köp usullarynyň we görnüşleriniň peýda bolýandygyny belledi. Şolar dünýä hojalygyndaky häzirki ykdysady ýagdaýa has uýgunlaşandyr. Döwlet Baştutany kärhanalaryň üstünlikli işlemegi hem-de olaryň bäsdeşlige ukyplylygyny ýokarlandyrmak üçin edaralary dolandyrmagyň guramaçylyk düzümini kadalaşdyrmagyň möhümdigini nygtady.
Döwlet Baştutany bu ugurda öňde durýan gaýragoýulmasyz wezipeleri ýerine ýetirmegiň wajypdygyny belläp, wise-premýere hödürlenen teklipler bilen baglanyşykly degişli tabşyryklary berdi.
Ulag-aragatnaşyk pudagynyň guramalarynyň ätiýaçlyk serişdelerini has netijeli ulanmak teklip edildi
- 21.06.2020 23:06
- 5.5k+
