«Beýik-Bina» hususy kärhanasy Ahal welaýatynyň Bäherden etrabynda ýylda 1 million tonna sement öndürýän Bäherden sement zawodynyň 2-nji tapgyrynyň taslamasyny düzer hem-de ony ýanaşyk ýerleri abadanlaşdyryp gurar. Türkmenistanyň Prezidenti Türkmenistanyň Senagat we gurluşyk önümçiligi ministrligine Bu kärhana bilen şertnamany daşarky eltiji elektrik, gaz, suw we lagym üpjünçiliginiň inžener ulgamlaryny gurmak şertinde baglaşmaga ygtyýar berýän resminama gol çekdi.
Şeýle hem «Türkmen enjam» hojalyk jemgyýeti Lebap welaýatynyň Köýtendag etrabynda ýylda 1 million tonna sement öndürýän Lebap sement zawodynyň 2-nji tapgyrynyň taslamasyny düzer hem-de ony ýanaşyk ýerleri abadanlaşdyryp gurar. Türkmenistanyň Prezidenti Türkmenistanyň Senagat we gurluşyk önümçiligi ministrligine hojalyk jemgyýeti bilen şertnamany daşarky eltiji elektrik, gaz, suw we lagym üpjünçiliginiň inžener ulgamlaryny, demir ýollary gurmak şertinde baglaşmaga ygtyýar berýän resminama gol çekdi.
Gurluşyk işlerine 2020-nji ýylyň iýul aýynda başlamak we sement zawodyny 2022-nji ýylyň dekabr aýynda ulanmaga doly taýýar edip tabşyrmak bellenildi.
Türkmen kompaniýalary Bäherden we Lebap sement zawodlarynyň 2-nji tapgyryny gurar
- 19.06.2020 23:31
- 9.8k+
