Türkmenistanyň Prezidenti Gurbanguly Berdimuhamedowyň gol çeken Buýrugyna laýyklykda, Türkmenistanyň goranmak ministri B.Gündogdyýew 1941— 1945-nji ýyllaryň Beýik Watançylyk urşunda gazanylan Ýeňşiň 75 ýyllygy mynasybetli geçiriljek dabaralara gatnaşmak üçin 2020-nji ýylyň 23 — 24-nji iýunynda Russiýa Federasiýasynyň Moskwa şäherinde gulluk iş saparynda bolar.
Belläp geçsek, Beýik Ýeňşiň ýubileý senesi üçin geçirilýän dabaraly harby ýörişe Türkmenistandan 70 harby wekilden başga-da, Azerbaýjan, Ermenistan, Belarus, Hindistan, Gazagystan, Gyrgyzystan, Hytaý, Moldowa, Mongoliýa, Serbiýa, Täjigistan we Özbegistandan harby işgärler gatnaşar.
Dabaraly harby ýöriş 24-nji iýunda Aşgabat wagty bilen 12:00-da başlar. Bu barada harby ýörişiň serkerdesi goşun generaly Oleg Salýukow habar berýär.
Baýramçylyk ýörişine 13 müňden gowrak esgeriň gatnaşmagyna garaşylýar, 234 sany ýerüsti harby enjamlar gatnaşar. Bu taryhy taýdan alanyňda, örän uly görkezijidir.
Russiýanyň Prezidenti Wladimir Putiniň ozal epidemiologik ýagdaý bilen baglanyşykly Beýik Ýeňişiň 75 ýyllygy mynasybetli dabaraly harby ýörişi yza süýşüripdi.
Beýik Ýeňiş mynasybetli ilkinji dabaraly harby ýöriş 1945-nji ýylyň 24-nji iýunda Gyzyl meýdançada geçirilipdi.
Türkmenistanyň goranmak ministri RF-iň Moskwa şäherinde gulluk iş saparynda bolar
- 19.06.2020 22:36
- 7.8k+
