Hytaýda Ylymlar akademiýasynyň garamagynda fiziki ylymlaryň Hefeýsk institutynyň alymlary onkologiki keselleri bejermegiň täze usulyny işläp düzdüler. Hünärmenler bejerginiň bu usuly syrkawlaryň köpüsine kömek eder diýip hasaplaýarlar. Bu barada pravda.ru habar berýär.
“Gün – zyýanly öýjükler bilen netijeli göreşmäge ukyply bolan plazmanyň esasy çeşmesi” – diýip, alymlar düşündirýärler.
Ylmy işiň ýolbaşçysy Gün plazmasynyň diňe bir täze rak öýjükleriniň ösüşini gowşatman, eýsem, eýýäm döränleri öldürýändigini tassyklaýar. Plazmanyň täsiri astynda organizmde rak öýjükleriniň ölmegine ýardam edýän belok döreýär.
Göwrümli spektrleriň antibiotikleri içege bakteriýalaryny ýok edýär we ýogyn içegede irki derejedäki rak keseliniň doly ýagdaýda öňüni almaga mümkinçilik berýär diýip, alymlaryň halkara topary anyklady. Mundan başga-da, Perdýu uniwersitetiniň alymlary deridäki ragy bejermek üçin plastyr döretdiler.
Hytaýda Gün şöhlesiniň kömegi bilen rak keselini bejermegiň usulyny işläp düzdüler
- 19.06.2020 22:10
- 5.8k+
