Gurbanguly Berdimuhamedow sebitlerde galla oragynyň alnyp barlyşy bilen gyzyklandy

15-nji iýunda Prezident Gurbanguly Berdimuhamedow Mejlisiň Başlygynyň, Ministrler Kabinetiniň Başlygynyň orunbasarlarynyň hem-de harby we hukuk goraýjy edaralarynyň ýolbaşçylarynyň gatnaşmagynda iş maslahatyny geçirdi.
Maslahatyň dowamynda wise-premýer E.Orazgeldiýew Gurbanguly Berdimuhamedowyň Daşoguz hem-de Balkan welaýatlaryna boljak iş saparlaryna görülýän taýýarlyk işleri, şeýle hem bu sebitleriň ekerançylyk meýdanlarynda alnyp barylýan oba hojalyk işleriniň depginleri barada hasabat berdi.
Gurbanguly Berdimuhamedow hasabaty diňläp, ýurdumyzyň oba hojalygyny mundan beýläk-de ösdürmek, bu ugurda öňde durýan wezipeleri üstünlikli durmuşa geçirmek işlerine örän jogapkärçilikli we hemmetaraplaýyn esasda çemeleşilmelidigini belledi.
Milli Liderimiz sebitlerde galla oragynyň alnyp barlyşy bilen gyzyklanyp, möwsümiň guramaçylykly geçirilmeginiň, ýetişdirilen hasylyň ýitgisiz ýygnap alynmagynyň döwrüň möhüm wezipesidigini aýdyp, wise-premýere anyk tabşyryklary berdi.
Döwlet Baştutany tabşyrylan hasyl üçin kärendeçiler bilen hasaplaşyklaryň günübirin geçirilmegini, möwsümde işleýänler üçin bolsa söwda we medeni çäreleri ýokary derejede guramagy tabşyrdy.