Türkmenistan we Russiýa özara uçuşlaryň ýygylygy boýunça çäklendirmeleri aradan aýrar

Türkmenistan we Russiýa Federasiýasy pandemiýa zerarly öň girizilen awiagatnawlar babatda birnäçe çäklendirmeleri aradan aýyrmak hakynda meselelerde umumy ylalaşyk gazandylar. Bu ylalaşyklar barada RF-iň ulag ministrliginiň döwlet syýasaty bölüminiň direktory Swetlana Petrowa Rushowaýollarynyň resmi saýtynda neşir edilen hatynda belleýär, diýip CentralAsia.news habar berýär.
Ministrligiň bölüminiň ýolbaşçysynyň habar bermegine görä, Türkmenistan we Russiýa iki ýurduň çäginden uçuş we gonuş nokatlaryň sanawy, bellenilen gatnadyjylary we olaryň bellenilen gatnaw ýygylyklary boýunça çäklendirmeleri aýyrmak boýunça ylalaşdylar.
Belläp geçsek, häzirki wagtda halkara gatnawlaryň wagtlaýyn ýatyrylandygy sebäpli Russiýa bilen Türkmenistanyň arasynda awiagatnawlar hereket etmeýär. Kada boýunça, ýurtlaryň arasynda uçuşlar howa gatnawyny amala aşyrmak hakyndaky ylalaşygyň esasynda amala aşyrylýar. Bu ylalaşykda iki tarapdan hem awiagatnadyjylaryň sany we ylalaşylan ugurlar boýunça uçuşlaryň ýygylygy berk çäklendirilýär.
Netijede, iki ýurduň arasyndaky awiagatnadyjylaryň sany düýpli artar, Türkmenistan bilen Russiýanyň arasyndaky howa gatnawy bolsa has ýygjamlaşar. Häzirki wagtda iki ýurduň arasynda hereket edýän awiagatnadyjylar S7 Airlines we «Türkmenhowaýollary» bolup durýar. Şeýle hem Russiýanyň Nordwind Airlines kompaniýasynda hem uçuş hukugy bar.