Gurbanguly Berdimuhamedow Mary welaýatyna iş saparyny amala aşyrdy

10-njy iýunda Prezident Gurbanguly Berdimuhamedow Mary welaýatyna iş saparynyň çäklerinde welaýaty durmuş-ykdysady taýdan ösdürmegiň maksatnamalarynyň ýerlerde durmuşa geçirilişi, ekerançylyk meýdanlarynda alnyp barylýan möwsümleýin işleriň ýagdaýy, seýle hem Oba milli maksatnamasyndan gelip çykýan wezipeleriň ýerine ýetirilişi bilen tanyşdy.
Döwlet Baştutany Wekilbazar etrabynyň «Türkmenistan» daýhan birleşiginde Amanberdi Pürsähedowyň kärende ýerine baryp gördi. Gurbanguly Berdimuhamedow kärendeçiniň işi, oňa döwlet tarapyndan berilýän kömek-goldawlaryň netijeleri, daýhanyň alýan girdejisi, onuň maşgala durmuşy bilen gyzyklandy.
Döwlet Baştutany kärendeçi daýhanyň ýerleri ekişe taýýarlamakdan hasyl ýygyşyna çenli ähli tapgyrlarda ýerine ýetiren işleri bilen gyzyklandy.
Gurbanguly Berdimuhamedow Mary şäherinde ýerleşýän Döwlet energetika institutynyň okuwdan boş wagtlary gallaçylara kömek berýän talyp gyzlarynyň we mugallymyň asylly işleri ýerine ýetirýändiklerini belledi.
Soňra türkmen Lideri Oguzhan etrabynda alma bagyny ösdürip ýetişdirýän «Erkin gurluşyk» hususy kärhanasynyň ekerançylyk meýdanyna geldi.
Döwlet Baştutanyny bu hususy kärhananyň ýolbaşçysy, Senagatçylar we telekeçiler birleşmesiniň agzasy Toýly Çaryýew garşylady. Türkmen Lideri hususy kärhananyň gawun, garpyz, miweli baglar ýetişdirilýän ekinlerini gözden geçirdi. Gurbanguly Berdimuhamedow kärendeçä kesbinden kemal tapmagyny arzuw etdi hem-de oňa gymmat bahaly sowgadyny gowşurdy.
Mary welaaýatyna iş saparyny tamamlap, Gurbanguly Berdimuhamedow paýtagtymyza dolanyp geldi.