Wladimir Putin Genetik maglumatyň milli bazasyny döretmegi tabşyrdy

Russiýanyň Prezidenti Wladimir Putin Genetik maglumatyň milli bazasyny döretmegi tabşyrdy. Bu barada gazeta.ru habar berýär.
Bu tabşyrygy Russiýanyň hökümeti “Kurçatow instituty” milli barlag merkeziniň gatnaşmagynda ýerine ýetirmeli. Olar gorap saklamagyň informasion-analitik ulgamlarynyň we genetiki maglumatlary taýýarlamak işini hem-de olaryň döredilmegini üpjün etmeli. Kurçatow institutynyň müdiri Aleksandr Blagow we premýer-ministr Mihail Mişustin tabşyrygy berjaý etmeklige jogapkär bellenildi.
Bellenilip geçilişi ýaly, hasabat oktýabra çenli hödürlenilmeli, ondan soň her ýyl hasabat berlip durulmaly. 2021-nji ýyldan başlap federal býujetinden serişde bölünip aýrylar. Bazanyň kömegi bilen lukmanlar agyr keselleri anyklap we olary bejerip bilerler, şeýle-de ömür dowamlylygyny uzaldyp hem-de ekologiýany gowulandyryp bilerler diýlip çaklanylýar.
Şeýle-de, Putin hökümete umumy bilim edaralary we çagalaryň goşmaça bilim edaralary üçin genetika boýunça aýratyn okuw kurslaryny we modullaryny taýýarlamagy tabşyrdy. Mundan başga-da, hökümet bu pudakda pedagogik işgärleriň hünär derejesini ýokarlandyrmak işini gurnamaly.
Belläp geçsek, maý aýynda W.Putin Russiýa üçin ýokary tehnologiýalary ösdürmegiň zerurdygyny aýtdy. Putin emeli intellekti, dolandyryjysyz tehnikany, genetikany, medisinany we ýurdy ösdürmek işiniň alnyp baryljak bazalary düzüji bilimi atlandyrdy.