Türkmenistanyň Prezidenti Döwlet howpsuzlyk geňeşiniň mejlisini geçirdi

Şu gün Gurbanguly Berdimuhamedow ýurdumyzyň harby we hukuk goraýjy edaralarynyň şu ýylyň bäş aýynda ýerine ýetiren işleriniň jemlerine bagyşlap, Döwlet howpsuzlyk geňeşiniň nobatdaky mejlisini geçirdi.
Mejlisiň dowamynda Türkmenistanyň harby we hukuk goraýjy edaralarynyň ýolbaşçylary döwlet Baştutanynyň ozal beren tabşyryklary bilen baglylykda, şu ýylyň ýanwar-maý aýlarynda alnyp barlan işler, garamagyndaky düzümlerde geçirilýän köpugurly işler, jemgyýetçilik tertibini saklamak, raýatlarymyzyň kanuny hukuklaryny we azatlyklaryny goramak, düzgün bozulmalaryň öňüni almak boýunça görlen çäreler barada hasabat berdiler.
Döwlet Baştutany mejlisiň barşynda Türkmenistanyň kazyýetleriniň kazylaryny wezipä bellemek hem-de wezipeden boşatmak hakynda Permana gol çekdi.
Mejlisiň çäklerinde döwlet Baştutanynyň ozal beren tabşyryklaryna laýyklykda taýýarlanylan athananyň taslamalary hödürlenildi.
Gurbanguly Berdimuhamedow wise-premýeriň gözegçilik edýän edaralarynda amala aşyrylýan düýpli özgertmeleriň barşyna ünsi çekdi hem-de Ýaragly Güýçlerimiziň kuwwatyny berkitmegiň, maddy-enjamlaýyn binýadyny döwrebaplaşdyrmaga gönükdirilen anyk çäreleri geljekde hem durmuşa geçirmegiň möhümdigini belledi.
Hormatly Prezidentimiz hödürlenen taslamalara birnäçe bellikleri aýdyp hem-de degişli düzedişleri girizip, täze toplumyň häzirki döwrüň talaplaryna doly laýyk gelmelidigini belledi. Onda atlary saklamak, seýislemek we türgenleşdirmek işleriniň netijeli guralmagy göz öňünde tutulmalydyr.