“Яндекс” sürüjisiz awtomobilleriň täze neslini hödürledi

“Яндекс” Hyundai Sonata awtomobiliniň esasynda döredilen awtoöndürijiniň bölünip aýrylan kärhanasy Hyundai Mobis bilen hyzmatdaşlykda sürüjisiz awtomobilleriň täze neslini hödürledi. Bu barada kommersant.ru habar berýär.
Kompaniýada nygtalyşyna görä, bu “Яндекс” kompaniýasynyň sürüjisiz awtomobilleriniň dördünji nesli. Moskwanyň ýollarynda bu awtomobil mart aýyndan bäri synagdan geçirilýär. Kompaniýa täze nesliň jemi bäş sany sürüjisiz awtomobilini taýýarlady, ýylyň ahyryna çenli olaryň sanyny 100-e çenli artdyrmak meýilleşdirilýär. Kompaniýa olary Moskwanyň ýollarynda we ABŞ-da synagdan geçirer, şeýle-de olary taksi hökmünde Kazan Innipolisinde ulanar. Sürüjisiz awtomobileriň täze neslinde dürli fokus aradaşlygy bilen kameralaryň sany artdyryldy. Şeýle-de, lidarlaryň we radarlaryň ýerleşýän ýeri üýtgedi. Alty sany radar ýokarda ýerleşýär, bu bolsa awtodolandyryja öňündäki awtomobilleri tapawutlandyrmaga mümkinçilik berýär. Kompaniýanyň pikiriçe, bu awtomobil tarapyndan daşky gurşawyň kabul edilişini has hem kämilleşdirer.
“Яндекс” we Hyundai Mobis 2019-njy ýylyň martynda sürüjisiz awtomobiller üçin platforma döretmek barada ylalaşyga gol çekdiler. Geljekde awtoöndürijiler ony sürüjisiz awtomobilleri döretmek üçin ulanyp bilerler, şeýle-de karşering kompaniýalary we taksi serwisleri üçin ulanyp bolar diýip, hyzmatdaşlar hasaplaýarlar.
Ýaňy-ýakynda bolsa Hytaýyň kärhanasynda eýýäm 2 aýdan gowrak wagt bäri sürüjisiz awtomobilleriň ulanylýandygy bellenildi. Ýagny, gürrüň Lýuçžou şäherindäki SAIC-GM-Wuling kärhanasy barada gidýär.