Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 67-si hasaba alyndy.
Daşary ýurt puluna Russiýa Federasiýasyndan, Beýik Britaniýadan, Birleşen Arap Emirliklerinden, Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen awiakerosinini we polipropilen satyn aldylar. Russiýadan, BAE-den, Belizden we Owganystandan gelen işewürler ýokary dykyzlykdaky polietilen, polipropilen, ECO-93 awtobenzin («Türkmengaz» DK) we plastik tara satyn aldylar.
Mundan başga-da, daşary ýurt puluna reňksiz aýna listleri, nah matasy we ýüplügi, dokma önümleri, jins matalary, el halylary satyldy. Satyn alan ýurtlar: Russiýa, Türkiýe, Özbegistan, Gyrgyzystan. Geleşikleriň jemi bahasy ABŞ-nyň 12 million 464 müň dollaryndan gowrak boldy.
Manat serişdelerine Beýik Britaniýanyň, Birleşen Arap Emirlikleriniň, Russiýanyň, Türkiýäniň işewür toparlarynyň wekilleri jemi bahasy 4 million manatlykdan gowrak haly önümlerini we nah ýüplügi satyn aldylar.
Ýurdumyzyň telekeçileri içerki bazar üçin jemi bahasy 17 million 400 müň manatlykdan gowrak ýokary dykyzlykdaky polietileni we polipropileni («Türkmengaz» DK), el halylaryny satyn aldylar.
Geçen hepde boýunça Türkmenistanyň birža täzelikleri
- 30.05.2020 23:40
- 5.6k+
