Braziliýada koronawirus üçin ilkinji genetik barlagy işläp düzüldi

Braziliýada COVID-19-y ýüze çykarmak üçin ilkinji genetik barlagyň işi tamamlandy. Bu barada pravda.ru habar berýär. Onuň özboluşlylygy onuň kömegi bilen 16 esse köp nusgany barlagdan geçirmek bolýanlygyndan ybaratdyr. Alymlaryň koronawirusy ýüze çykarmakda barlagyň netijeliligini ýüz göterim diýip bahalandyrandyklaryny belläp geçmeli. Alymlar eýýäm özleriniň taýýarlan barlagyny ABŞ-da intellektual emläk boýunça Bütindünýä guramasynyň halkara patent ulgamynda bellige aldyrdylar.
Bu barlagy işläp taýýarlamak we bellige aldyrmak bilen “Albert Eýnşteýn” klinikasy meşgullandy. Habar berlişine görä, şu ýylyň iýunyndan Braziliýanyň taýýarlan işi koronawirusy anyklamak üçin elýeterli bolar. Alymlaryň işiniň esasynda täze nesliň sekwensiýa tehnologiýasy ýatýar, ol keseli anyklamak üçin DNK-nyň kiçi böleklerini seljerýär. SARS-CoV-2-ni anyklamak üçin derňew geçirijiler bu usuly RNK bilen işleşmeklige uýgunlaşdyrmaly boldular.
Barlagy döredijiler barlagyň anyklygynyň 100%-digini we başga hili netijeleriň bolmak mümkinçiliginiň ýokdugyny aýdýarlar.
Biomaterial hökmünde adama birneme tüýkülik ýa-da burun-bokurdak sekretini bermek gerek. Analiziň netijesi üç gije-gündizden soň belli bolar.