COVID-19 pandemiýasynyň döreden bütindünýä ykdysady çökgünligi şu ýylda $5,8 trilliondan $8,8 trilliona çenli ýetip biler diýip, Aziýa ösüş banky (AÖB) mälim edýär. Bu barada vesti.ru habar berýär.
$5,8 trillion möçberdäki ýitgiler koronawirusa garşy göreş üçin girizilen we iş hem-de alyjylar işjeňligini gowşadan çäklendirmeleriň üç aýyň içinde hereket etjekdigini görkezýär. Eger-de çäklendirmeler ýarym ýyl saklansa, onda ýitgileriň $8,8 trilliona ýetmegi mümkin.
Şeýlelik bilen, pandemiýanyň zyýany dünýäniň JIÖ-niň 6,4%-inden 9,7%-ine çenli barabar bolup biler. AÖB-niň täze çaklamasy aprel aýynyň bahalandyrmasyndan has ýaramaz, aprel aýynda dünýä ykdysadyýetiniň ýitgisi $2-4,1 trillion bolar diýlip çaklanylýardy.
Koronawirusy saklamak boýunça çäreler Aziýada $1,7 trilliondan $2,5 trilliona çenli möçberde, Hytaýda $1,1 trilliondan $1,6 trilliona çenli ýitgini döreder. Gatnawlaryň çäklendirilmegi we karantin çäreleri dünýä söwdasyny $1,7-$2,6 trillion kemeldip biler we 158-242 million adamy işsiz goýup biler diýip, AÖB çaklaýar.
Halkara pul gaznasy dünýä ykdysadyýeti 2020-nji ýylda pandemiýa bilen baglylykda işjeňligiň gowşamagy netijesinde 3% peseler diýip çaklaýar.
Koronawirusyň esasynda bütindünýä ýitgi $8,8 trilliona ýetip biler
- 17.05.2020 17:55
- 5.9k+
