“Türkmengaz” döwlet konserni “Döwletabat” gaz känindäki ulanyşdaky 30 sany gaz guýusynda tebigy gazyň çykarylyşyny ýokarlandyrmak boýunça hyzmatlary ýerine ýetirmek barada Birleşen Arap Emirlikleriniň “Turkmen Petroleum Products Trade DMCC” kompaniýasy bilen şertnama baglaşar. Munuň üçin degişli ygtyýar berýän resminama Türkmenistanyň Prezidenti hökümet mejlisiniň barşynda gol çekdi.
Resminamada bellenilişi ýaly, bu Karar “Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyny” üstünlikli durmuşa geçirmek, şeýle hem gaz guýularynyň önüm berijiligini ýokarlandyrmak maksady bilen kabul edildi.
Gurbanguly Berdimuhamedowyň belleýşi ýaly, bar bolan önümçilik kuwwatlyklaryny oýlanyşykly peýdalanmagyň hem-de döwrebap tehnologiýalary, öňdebaryjy inženerçilik-tehniki işleri ornaşdyrmagyň hasabyna ýurdumyzyň nebitgaz ýataklaryny işläp taýýarlamagyň netijeliligini ýokarlandyrmak zerur bolup durýar.
«Türkmengaz» DK «Turkmen Petroleum Products Trade DMCC bilen şertnama baglaşar
- 16.05.2020 23:31
- 7.5k+
