СOVID-19-yň täsirlerini ýeňip geçmekde halkara hyzmatdaşlygynyň meseleleri maslahatlaşyldy

Türkmenistanyň DIM-inde Migrasiýa boýunça halkara guramanyň sebitleýin başlangyjynyň çäklerinde onlaýn görnüşinde geçirilen sebitleýin maslahatda СOVID-19 ýiti ýokanç keseliniň pandemiýasynyň täsirlerini ýeňip geçmek bilen bagly hyzmatdaşlygy utgaşdyrmaklyk maslahatlaşyldy.
Sebitleýin maslahata gatnaşyjylar koronawirus pandemiýasynyň dünýäde çynlakaý ynjalyksyzlanma döredýändigini belläp, dünýä hojalyk gatnaşyklary ulgamyna we umuman, ynsan ömrüne ýaramaz täsiri bolan bu wehime garşy durmakda tagallalaryň utgaşdyrylmagynyň zerurdygyna ünsi çekdiler.
Bellenilişi ýaly, Türkmenistan oňyn ählumumy hereketlere işjeň gatnaşýar. Ýurdumyzyň ählumumy abadançylygyň we ösüşiň üpjün edilmegine, şeýle hem häzirki döwrüň möhüm meseleleriniň deňeçer çözgüdiniň işlenip taýýarlanmagyna gönükdirilen döredijilikli başlangyçlary munuň aýdyň subutnamasy bolup durýar.